O novo papa é Jorge Mario Bergoglio, ata agora arcebispo de Bos Aires. Rexerá a Igrexa católica co nome de Francisco I.
Fálase
-
A fumata branca no Vaticano vén de simbolizar que o conclave xa elixiu novo Papa para a Igrexa católica. Nuns minutos coñecerase o seu nome. Está a contalo RTVE.
A RAG fai públicos na súa web os orzamentos da institución, que deberán ser aprobados no plenario que se celebra esta tarde na súa sede e no que tamén se debate a dimisión do seu presidente, Méndez Ferrín.
Os deputados do PP rinse de Cayo Lara polos embargos a IU en Madrid. "Onde está Cayo Lara? Estano desafiuzando", afirman desde a bancada do PP cando Joan Coscubiela preguntaba a Rajoy sobre os desaloxos.
Pescanova convoca consello para mañá xoves. Fernández de Sousa accede ás solicitudes de Damm e Luxempart ante a crise na compañía.
Un empresario recoñece que pagou comisións ao PP para beneficiar a súa empresa. Pide "desculpas á sociedade" tras explicar que deu cartos aos populares en 2007.
SOS Sanidade Pública convoca unha manifestación mañá xoves en Vigo contra os recortes e a privatización do novo hospital. A marcha partirá da praza dos Cabalos ás 20 horas.
Sergio L. Palacios reflexiona en Naukas sobre a realización de traballos de balde a cambio da visibilidade: "quieren que algunos trabajemos de forma completamente altruista, a cambio de unas tristes y escasas dietas y billetes de autobús, tren o avión (cuando hay suerte)".
Elblogsalmon analiza o negocio do streaming de música, despois de que Spotify anunciara que xa ten seis millóns de subscritores de pago, un millón máis ca en decembro. Porén, os artistas seguen recibindo cantidades moi baixas: entre 5 e 7 centavos de dólar por cancion en iTunes e menos de 1 en Spotify.
A proposta de reforma da Lei de Propiedade Intelectual que prepara Wert busca sancionar como "pirata" o consumidor que compre e realice unha copia privada sen ánimo de lucro a un familiar.