5 empresas acaparan o 53% da obra pública da Xunta, segundo destaca Economía Digital, que subliña que Isolux Corsán, implicada nos sobrecustes do AVE, é a maior adxudicataria da Confederación Hidrográfica do Miño
Fálase
A Xunta pacta coas concesionarias de autovías galegas para evitar a súa quebra. Pechará este mes un acordo para as adxudicatarias do Salnés e do Barbanza.
Unha acusada de blanqueo de capitais no xuízo de Marcial Dorado solicita os contratos do narcotraficante coa Xunta e tamén as subvencións e axudas recibidas polas súas empresas. A defensa esixe a nulidade do procedemento contra Dorado porque xa foi xulgado en Suíza
O Goberno proxecta para Galicia, Asturias e Euskadi un AVE de segunda categoría. Unha reportaxe de El Diario explica que Adif saca a concurso a electrificación e sinalización de varías liñas que desvelan que circularán polos novos treitos a menor velocidade e nalgúns casos en vía única
Só o 17% dos españois saben cando se celebran as eleccións europeas, segundo un apartado da enquisa do CIS que destaca El Mundo. Outro 32% sabe que están convocadas para este mes de maio.
O xuíz dálle a razón a Ester Quintana e considera que Interior e os Mossos d'Esquadra mentiron ao afirmar que non se dispararon balas de goma o 14-N. Determina que a actuación dos Mossos foi "imprudente e desproporcionada".
As principais candidaturas teñen xa en marcha os seus actos de pegada de carteis para as europeas do 25 maio. A información, esta noite no especial eleccións de Praza.
O Portal das Palabras desenvolvido por Imaxín Software para a RAG e a Fundación Barrié, finalista dos Premios de Internet 2014 na categoría de contidos dixitais, que se darán a coñecer o vindeiro 17 de maio, día de Internet. A web, lanzada en xuño do pasado ano, está dedicada ao léxico e inclúe unha nova versión do dicionario en liña da Academia, curiosidades léxicas e contidos didácticos.
Imputado o director de La Razón, Francisco Marhuenda, por publicar as fotografías do carné de identidade dos xuíces que asinaron un manifesto a favor do referendo de autodeterminación de Catalunya. Cóntao El Diario.
O naval de Ferrol volve saír á rúa, pide que a obra do BAM anunciado onte sexa simultánea á do flotel e reclaman máis carga de traballo polo "insuficiente" dos dous buques prometidos. Insisten tamén no "electoralismo" das promesas da Xunta e da SEPI. Imaxe de @Ferrol360.