Holanda celebra eleccións lexislativas este mércores. As enquisas prevén un descenso dos grandes partidos tradicionais (VVD e PvdA), actualmente no goberno, e un ascenso da ultradereita de Geert Wilders, pero tamén dos verdes e de formacións centristas como D66 e CDA. Ata 13 partidos poderían obter representación no Parlamento.
Este mércores dá comezo en Compostela o Festival Atlántica de narración oral cunha gala no Auditorio de Galicia a partir das 21 horas. Ata o domingo 19 haberá actuacións en Santiago, Lalín, A Coruña, Ourense, Vigo, Ferrol e Teo.
O Congreso inicia o trámite para acelerar os desaloxos nas casas ocupadas a particulares ou administracións, eliminando ademais as medidas cautelares para casos de vulnerabilidade
Case un terzo das compañías do Ibex 35 elude o “código de boas prácticas” impulsado en 2010 pola Axencia Tributaria para combater a fraude fiscal
Salvamento Marítimo rescata os 8 tripulantes dun pesqueiro incendiado a 12 millas de Cedeira. A tripulación d'O Busi está en "aparente bo estado de saúde" tras o rescate, indica Salvamento (Imaxe: Vesselfinder)
Un xulgado de Ourense rexeita a rectificación que Baltar esixía a El País por unha información sobre as testemuñas do caso no que é investigado. Informa ao respecto o Colexio Profesional de Xornalistas de Galicia.
A Marea de Vigo manifesta a súa "repulsa" ante o artigo de Juan José Calaza publicado este domingo en Faro de Vigo, onde o columnista defende o uso do termo "crime paixonal" para o asasinato machista de Chapela sinalando "a letra pequena que debe haber no drama familiar" e conclúe que "o feminismo sexualmente guerracivilista perderá a batalla no longo prazo". O artigo foi criticado tamén polo Colexio de Xornalistas
A conselleira Beatriz Mato aspirará a dirixir o PP na Coruña, segundo adianta La Voz. O nome de Mato soa con forza dende hai meses para remudar a Rosa Gallego como referente municipal da formación e optar á alcaldía coruñesa en 2019
#onosoderbi Deleite sortea cinco entradas duplas para o Deportivo-Celta do vindeiro domingo en Riazor. As instrucións para participar na promoción, na súa páxina de Facebook
O Parlamento Europeo sanciona o eurodeputado polaco que defendeu a "inferioridade feminina" e a fenda salarial de xénero. Recólleo eldiario.es
