Podemos e as confluencias marcan distancias co PSOE trala negativa dos socialistas a aceptar grupos independentes para cada candidatura.
![](https://praza.gal/media/cache/live_image/xornal/uploads/falase/foto/569f32aee897e-errejon-sanchez-quiere-presidente-explicar_ediima20160119_0762_19.jpg)
Podemos e as confluencias marcan distancias co PSOE trala negativa dos socialistas a aceptar grupos independentes para cada candidatura.
Realízase en Guadalajara a primeira exhumación dun asasinado no franquismo ao abeiro da querela arxentina, impulsada polo galego Darío Rivas.
Este martes ás 19.30 terá lugar na Coruña o Foro Cidadán, que servirá para presentar os primeiros resultados do proceso participativo posto en marcha polo Concello no marco da iniciativa A Porta Aberta. O Goberno municipal delimitará os distritos da cidade a partir dos 201 barrios definidos polas persoas que interviron.
InfoLibre destaca que Amancio López Seijas, empresario hoteleiro de Chantada, propietario do grupo Hotusa e amigo persoal de Rajoy, "estendeu o seu imperio coa xestión de hoteis de propiedade pública en Galicia e Asturias". A información lembra, por exemplo, que a Deputación de Pontevedra pagou 21 millóns de euros polas catro Pousadas do Salnés cuxa apertura leva ano e medio de atraso. Ou que só este verán a Xunta recuperou a xestión do complexo do Monte do Gozo, tras 22 anos de abandono.
O avogado xeral do Tribunal de Xustiza da Unión Europea considera ilegal o canon dixital aprobado polo PP en 2012; critica que a compensación aos titulares dos dereitos de autor se calcule a priori. Este posicionamento non implica unha sentenza, pero os xuíces do tribunal adoitan seguir as súas opinións as máis das veces.
Non é cousa túa: Twitter caeu e esta é a súa 'explicación'
A Comisión de Comercio Internacional do Parlamento Europeo aprobou por unha ampla maioría o seu posicionamento sobre o TISA. O informe si incorpora algunha emendas críticas cos documentos previos, que buscan defender os servizos públicos e os consumidores europeos, pero as recomendacións da comisión manteñen o espírito desregulador, impedindo por exemplo a remunicipalización de servizos e abrindo as portas a novas privatizacións.
Un xulgado de Valencia asina a primeira sentenza firme contra as hipotecas IRPH, pois non foi recorrida pola entidade financeira, destaca a Plataforma IRPH Stop Gipuzkoa. O texto subliña o carácter abusivo e influenciable do índice no que se basean estas hipotecas.
Continúa a investigación aberta na empresa pública Acuamed, dependente do Ministerio de Agricultura e Medio Ambiente. A Garda Civil rexistrou onte as súas sedes en Madrid, Valencia e Murcia e detivo a 13 persoas en relación cunha suposta fraude millonaria na adxudicación de obras e na falsificación de certificacións.
O Goberno local da Coruña e o PSOE inician a negociación dos orzamentos. Os socialistas deben enviar as súas propostas antes deste mércores