CIG-Ensino gaña de novo as eleccións sindicais no ensino público non universitario, celebradas este xoves, acadando ao redor de 62 delegados e delegadas, por 21 de CCOO, 17 de ANPE, 16 de UGT, 14 de STEG e 10 de CSIF, segundo datos adiantados polo propio sindicato.
Fálase
A Xunta non modificará o financiamento da Universidade da Coruña a pesar das demandas e das críticas expresadas este mércores no Claustro polo equipo reitoral. O conselleiro de Educación, Jésus Vázquez, acusou o reitor, Xosé Luís Armesto, de facer "campaña electoral"
A ex conselleira de Sanidade, Pilar Farjas, número dous de Ana Mato, presenta a súa dimisión. Nos últimos días chegara a soar como posible ministra de Sanidade, pero tras o nomeamento de Alonso expresou o seu desexo de regresar á profesión médica.
O informe do Banco de España confirma que Bankia alterou as súas contas antes de saír a Bolsa. Rodrigo Rato pode ser condenado a seis anos de cadea.
Continúan as protestas nas rúas dos Estados Unidos polos recentes casos de persoas de raza negra mortas por accións policiais. Onte mesmo un policía matou un cidadán de cor desarmado en Arizona.
- Besteiro afirma que un goberno PP-PSOE só é posible "no mundo imaxinario de Feijóo". "Non rotundo, somos auga e aceite" afirma o líder do PSdeG
60.000 euros de multa e cinco anos sen entrar nun estadio, a sanción para os ultras que participaron na pelexa do pasado domingo que rematou co asasinato do afeccionado deportivista.
A CIG elabora un vídeo para animar a cidadanía a participar na cadea humana que o día 13 atravesará a Ponte das Pías para denunciar "o grave risco de desertización, non só industrial senón tamén humana" que padece a comarca de Ferrolterra.
O alumnado do CEIP Ponte dos Brozos (Arteixo) participará na iniciativa de Code.org, que promove a semana do 8 ao 12 de decembro como a semana das ciencias da computación. Esta organización intenta que a informática, e máis concretamente a programación, quede incorporada dentro do currículo ordinario da escola como unha forma de potenciar o pensamento computacional.
A Iniciativa Cidadá Europea contra o Acordo Transatlántico para o Comercio e o Investimento (TTIP) chegou ao millón de sinaturas en toda a UE "nun tempo récord", segundo os seus impulsores. STOP TTIP continuará recollendo apoios e intensificará as súas accións, comezando por unha protesta o 9 de decembro en Bruxelas para "felicitar" a Jean-Claude Juncker polo seu cumpreanos.