Proxecto Derriba publica un novo texto, Relato(s) situado(s) a través das xeografías do mancomún, baseado nas experiencias dos montes veciñais en man común e no traballo realizado por O Monte é Noso.
Fálase
El Diario entrevista o filósofo polaco Zygmunt Bauman, que aos 89 anos vén de publicar ¿La riqueza de unos nos beneficia a todos?. Destaca que vivimos "nun estado de divorcio entre o poder e a política”
Continúa en marcha o peche que dende hai días mantén un grupo de estudantes na Facultade de Ciencias da Educación, en protesta pola mercantilización da cultura e da educación. Levan a cabo un programa de charlas e debate de acceso libre.
Unhas cinco mil persoas manifestáronse este venres en Pontevedra, baixo unha intensa chuvia, en defensa da sanidade pública e en contra do cambio de hospital de referencia das comarcas do Salnés e de Pontevedra, que pasaría de Vigo a ser Compostela.
A Deputación de Lugo rescinde o contrato cunha empresa de seguridade por baixarlles o soldo aos seus traballadores, "amparándose na reforma laboral". O ente provincial considera que a empresa incumpriu as condicións laborais dos seus propios traballadores e "infrinxiu o contrato" coa propia Deputación.
Só o 20% dos votantes do PP apoian a reforma da lei do aborto proposta por Gallardón, segundo unha enquisa que publica El Confidencial. No conxunto de persoas entrevistadas esta porcentaxe descende até o 8,8%
O FROB designa Goldman Sachs, o banco de falseou as contas públicas gregas, como asesor para deseñar o plan de desinvestimento en Bankia. O proceso de privatización de Bankia durará dous anos.
Emigrantes retornados de toda Galicia intentan colapsar as delegacións de Facenda en varios puntos do país para reclamar unha solución á campaña masiva de multas que afectou xa uns 30.000 galegos. Imaxe de @obloque.
O tempo mellorará (algo) a partir deste domingo, pero polo momento Ulla segue deixando en toda Galicia imaxes coma as deste vídeo gravado hoxe na Cidade da Cultura
Facebook introduce (polo de agora só en inglés) a posibilidade de rexistrarse con xéneros distintos do masculino e feminino, como cisgénero, transxénero ou intersexual. Tamén permite que o pronome que acompaña as informacións sobre unha persoa sexa neutro.