Xa está en marcha a manifestación convocada por Podemos en Madrid. O partido está a ofrecer sinal ao vivo da mobilización, que tamén se pode seguir en El Diario
Fálase
Somos nós lanza a súa declaración constitutiva. "Temos na nosa historia movementos que cambiaron as cousas, dende as Irmandades da Fala a Nunca Máis, esas son as nosas referencias", di o colectivo que ten a Anxo Quintana como un dos seus referentes.
O BNG celebra esta mañá en Compostela a xornada Por unha tarifa eléctrica galega
O PSdeG condena os ataques "homófobos e intolerantes" sufridos por participantes na "bicada contra a violencia" celebrada este venres na Coruña
Podemos mide hoxe as súas forzas en Madrid cunha manifestación "polo cambio" na que participarán persoas chegadas de todo o Estado. En El Diario
Barreiro, do PP de Lugo, defende a Luis Lamas como "o mellor presidente da historia de Sogama" e reduce a súa dimisión a unha "discusión política". En Faro de Vigo
O alcalde de Abegondo teima en reclamar a prohibición de que 'forasteiros' se presenten ás municipais para contrarrestar a petición do veto aos imputados. Recólleo La Voz
O PP propón oficialmente a Jesús Vázquez, conselleiro de Educación, como candidato á alcaldía de Ourense. A decisión, segundo os populares ourensáns, adoptouse "por unanimidade".
O Goberno grego anuncia que non recoñece a troika como interlocutora. O ministro de Finanzas, Yanis Varufakis, asegura que non traballarán "cunha comisión que non ten razón de existir, mesmo dende a perspectiva do Parlamento europeo". As decisións gregas provocan o enfado do presidente do Eurogrupo e do Executivo alemán, que esixe que se cumpran as súas "condicións"
O Consello de Ministros aproba o RD que abre a porta a que os graos universitarios pasen de ter catro anos a tres, cun incremento da duración dos máster, de un a dous anos. A reforma, moi criticada por reitores, sindicatos e estudantado, encarecerá a formación superior, aínda que o ministro Wert defende que a "abaratará" ao acurtar as carreiras