PAS da USC concéntranse ás portas do Parlamento no comezo do debate dos Orzamentos. Este martes colectivos sociais de todo tipo protestarán contra os recortes nos fondos destinados a ensino, sanidade, benestar e outros servizos públicos.
![](https://praza.gal/media/cache/live_image/xornal/uploads/falase/foto/512b2a01a8fe7-482271_494447717259824_818620779_n.jpg)
PAS da USC concéntranse ás portas do Parlamento no comezo do debate dos Orzamentos. Este martes colectivos sociais de todo tipo protestarán contra os recortes nos fondos destinados a ensino, sanidade, benestar e outros servizos públicos.
A concelleira de Cultura de Marbella, Carmen Díaz (PP), afirma en twitter que a educación pública é "proteccionista, crea cidadáns subsidiarios, débiles e dependentes. Non cumpre a igualdade de oportunidades". Ante a polémica xerada borrou o tweet en pouco tempo.
Unhas 30 persoas ocupan nestes momentos a oficina de servizos sociais da Coruña para esixirlle ao Concello que lle facilite "unha vivenda digna" a Aurelia Rey ou que a compense economicamente.
Stop Desafiuzamentos anuncia en rolda de prensa que se chegou a un acordo para paralizar o desaloxo de Aurelia Rey. Non se detallaron as condicións do acordo, máis aló de que Aurelia Rey acorda abandonar a vivenda e ten dous meses para buscar unha nova casa. Non se informou se os propietarios a compensarán economicamente
O Congreso cambia as subscricións á prensa impresa que lles ofrecía aos deputados e deputadas por subscricións ás edicións de pago dos xornais dixitais. Segunso fontes da Mesa do Congreso, a razón principal desta medida é "avanzar na modernización"
O BNG pedirá no pleno municipal de Compostela a prohibición de que a policía use pelotas de goma no Concello. A UE desaconsella o seu uso. O BNG xa presentou en decembro unha moción en Bueu neste senso.
El Diario analiza a través de tres gráficos a mala impresión que deixou nos votantes do PSOE a intervención de Rubalcaba no debate de política xeral. Os votantes socialistas mesmo valoraron mellor a Cayo Lara ou a Rosa Díez que ao líder do seu partido.
Raúl Castro anuncia que abandonará a presidencia de Cuba en cinco anos despois de ser ratificado no cargo
Os colexios electorais italianos pecharán este luns ás tres da tarde. Ao longo do dia iranse coñecendo os resultados, que se prevé moi axustados. Na primeira xornada de votacións a abstención creceu un 8,2%.
Argo faise co Óscar ao mellor filme nuns galardóns moi repartidos. A película de Ben Affleck obtivo tres premios, A vida de Pi catro, Os miserables tres, e Lincoln e Django desencadeado, dous.