Milleiros de hologramas protestan contra a "represiva" Lei Mordaza. A iniciativa partiu da plataforma No somos delito, que recolleu a través da web www.hologramasporlalibertad.org as imaxes escaneadas de miles de persoas que se sumaron a este acto de protesta.
Os colexios profesionais de Ciencias, integrados polo de Xeólogos, o de Físicos, o de Biólogos e o de Químicos, denuncian o Goberno central polo seu decreto de homologación de títulos, que consideran "discriminatorio". Sinalan que o decreto deixa as titulacións científicas "completamente desprotexidas"
Confemadera, a patronal das empresas madeireiras galegas, rompeu as negociacións que mantiña coa Xunta, acusando o Goberno de "desatención reiterada, pasividade e falta de solucións" para impulsar e modernizar o sector. Ence desmarcouse, avogando por manter o diálogo aberto.
O PSdeG-PSOE denuncia máis pagamentos ilegais ao alcalde de Cualedro e deputado Luciano Rivero, a cargo da Deputación de Ourense e o Concello, a cambio de gasolina para vehículos destas administracións. En total, máis de 200 mil euros en varios anos.
El Diario publica un diálogo entre o filósofo Alain Badiou e Stathis Kouvelakis, de Syriza, moderado pola xornalista Aude Lancelin, no que analizan que "para derrotar o neoliberalismo, unha nuova alianza entre gobernos e movementos de base é necesaria"
A UE investiga a legalidade do tratamento outorgado polo Goberno español aos créditos fiscais dos que goza a banca, uns 40.000 millóns de euros. Se Bruxelas considera ilegal esa axuda do Estado, as entidades deberían captar esa cantidade por outras vías; e en caso de non poder facelo, as contas públicas terían que inxectala de novo, sumádose aos máis de 60.000 millóns gastados directamente en rescatar a banca.
Traballadores da TVG advirten de que a canle pública "entra en campaña" de cara ás municipais ante o 24-M. O blog Eu non manipulo aclara que a televisión "aumenta o seu sesgo partidista cara ao Partido Popular" a medida que se achegan os comicios.
O PP gañaría as eleccións municipais en Santiago cun 34% dos votos, cunha pequena vantaxe sobre Compostela Aberta (27%) e PSOE (20%), segundo un estudo estimativo realizado por Carlos Neira para o gratuíto Compostela Actual en base a sondaxes previas. O BNG obtería un 8% e Ciudadanos un 4%.
Alberto Núñez Feijoo abre a man a pactar con Ciudadanos despois das eleccións do 24 de maio, en función da proximidade dos seus programas.
A Xunta rexeita suspender a taxa de saneamento de Ferrol, como propoñía AGE. O imposto, que supón un incremento de 77 euros anuais, recibiu máis de 2.000 recursos administrativos en contra.