Mas confirma que as eleccións catalás serán o 25 de novembro para “abrir un proceso de autodeterminación” e afirma que "se o país debe iniciar un proceso de gran complexidade, é necesario o aval das urnas". No seu discurso ante o Parlament tamén acusa a esquerda de "demagoxia e populismo" por criticar os recortes.
Están celebrándose multitudinarias asembleas no centro de Madrid. A partir das cinco e media as distintas marchas convocadas comezarán a dirixirse cara ao Congreso.
Deputados denuncian que un parlamentario de UPyD vén de asegurar que "as sociedades bilingües son anormais" no Congreso. A frase sería de Martínez Gorriarán.
Andalucía anuncia que "probablemente" pedirá o rescate. Solicitaría máis de 4.900 millóns de euros, segundo El Economista.
A Xustiza condena o Goberno de Carlos Negreira por vulnerar os dereitos do BNG. O Executivo local coruñés foi condenado por negarlle ao grupo nacionalista o acceso ao expediente de solicitude de subvención ao transporte colectivo urbano para o 2011.
Artur Mas comúnicalle aos membros do goberno da Generalitat que convocará eleccións anticipadas en Catalunya para o 25 de novembro ou para o 2 de decembro, segundo adianta La Vanguardia
Deteñen o xefe da policía local de Ourense no marco da operación Pokémon. É trasladado a Lugo, ao xulgado que instrúe o caso.
Este luns nace PontevedraViva.com, un novo xornal dixital para Pontevedra, a súa comarca e as zonas de Umia, O Salnés, Arousa e O Morrazo. @PontevedraViva
O PPdeG censura en Twitter a decisión da Xunta Electoral de expedientar o partido polo anuncio dos contratos con Pemex. Faino a través da conta oficial de Núñez Feijóo.
A Xunta abre expediente a Estela Eólica polo incumprimento do seu plan industrial para a construción dunha planta incineradora, prevista inicialmente no Irixo. Máis información, nuns minutos en Praza.