A Intervención do Estado constata que o PP pagou en negro a súa sede. Os peritos adscritos á Fiscalía confirman a veracidade dos pagos en B de Génova 13.
![](https://praza.gal/media/cache/live_image/xornal/uploads/falase/foto/54b65f7d1594c-1421238529_462309_1421238966_noticia_normal.jpg)
A Intervención do Estado constata que o PP pagou en negro a súa sede. Os peritos adscritos á Fiscalía confirman a veracidade dos pagos en B de Génova 13.
Rajoy proclama, sobre Syriza e Podemos, que "prometer cousas imposibles xera unha enorme frustración". Asegurouno ao chegar a Grecia, onde participa en actos de campaña a prol do primeiro ministro Samarás
Farmamundi destaca que España posúe mecanismos legais para saltar a patente dos fármacos contra a hepatite C. Xosé María Torres Bouza afirma en InfoLibre que a emisión dunha licencia obrigatoria permitiría a elaboración de produtos xenéricos a menor prezo. Dende o Ministerio de Sanidade respóndese que esa posibilidade non está enriba da mesa
A empresa á que lle foi cedida a xestión do Parque Arqueolóxico de Arte Rupestre de Campo Lameiro, Espiral Xestión Cultural, provoca danos irreversibles nun dos petroglifos, ao pasar por riba cun tractor que realizaba labores de limpeza.
Lanzan Noveno 9, unha revista dixital sobre banda deseñada realizada polo alumnado da escola O Garaxe Hermético. O seu número 0, que se pode descargar achegando cada lector ou lectora a cantidade que crea xusta, consta de 87 páxinas e incorpora obras de varios creadores e creadoras emerxentes.
A Academia Zeta, de Gerardo Crespo, deixa de estar autorizada para impartir formación da Consellería de Traballo por non achegar a documentación precisa. O centro dálle nome á operación xudicial que investiga a presunta fraude nos cursos de formación.
O presidente da Deputación da Coruña escribe que Parga Pondal se formou con "bolsas concedidas pola Xunta". O prestixioso químico galego, finado en 1986, licenciouse en 1922 e rematou a tese de doutoramento en 1934. Recólleo La Voz
O Goberno central pacta co PSOE endurecer a lexislación antiterrorista tras os atentados de París. A nova regulamentación plasmarase nunha lei orgánica. Cóntao El Diario
Sae á venda a primeira edición de Charlie Hebdo tras o atentado. Varios xornais do mundo homenaxean hoxe a revista ou reproducen parte do seu contido, caso por exemplo de El Progreso ou El País.
A web do PSdeG sofre un ataque informático. A páxina quedou inoperativa durante a noite do luns ao martes e parte desta mañá.