A filla de Arias-Cañete substitúe a sobriña de De Guindos na Comisión Nacional da Competencia. Beatriz de Guindos pasa a ser directora na institución. Cóntao Cinco Días.
Fálase
A deputada do BNG Carme Adán censura o "desbalde" da Consellería de Industria en campañas publicitarias "inútiles". A última acción propagandística, de medio millón de euros, tiña a intención de xerar "confianza" na saída da crise.
O xuíz rebaixa o soldo de Lendoiro a 7.000 euros brutos ao mes. Considera que a retribución do presidente do Deportivo é esaxerada.
As provincias de Pontevedra e Ourense están esta mañá en alerta laranxa por chuvias.
O Celta cae en Getafe (2-0) nun mal partido e tras dous goles a balón parado. Luis Enrique realizou moitos cambios no equipo titular.
O Goberno central di agora que a autovía Lugo-Santiago estará en funcionamento en 2015. En Febreiro Fomento asegurou non ter orzamento para este vial nin en 2013 nin en 2014.
Estados Unidos e Rusia selan na ONU o acordo para o desarme de Siria. Recólleo El País.
O profesorado balear advirte de que está disposto "a seguir coa folga indefinida todo o ano" se o Govern de Bauzá non muda o seu decreto das linguas e os seus plans de recorte. En El Diario.
O PP culpa tamén a oposición da tardanza da reforma para que os deputados tributen por todo o seu salario. Os conservadores ostentan a maioría da Mesa do Parlamento. que ten a competencia, dende hai catro anos. En Faro de Vigo.
Stop Desahucios A Coruña convoca unha asemblea aberta para o vindeiro 5 de outubro, na que animan a participar a todas as persoas afectadas por situacións de desafiuzamento ou ameazadas de desaloxo. Quere ser un espazo de asesoría colectiva e de xeración de accións de resposta. Celebrarase ás 11 da mañá na Asociación Cultural Alexandre Bóveda.