O Goberno central asume o control financeiro total da Generalitat. O Consello de Ministros adoptou unha serie de acordos pola que o Estado central pasará a pagar directamente parte das nóminas dos funcionarios de Cataluña. En rolda de prensa Cristóbal Montoro afirmou que a medida busca que "ningún euro vaia a actividade ilegal ningunha"
As bases de Catalunya en Comú votan a favor de participar no 1-O, unha posición defendida por Xavier Domènech, Ada Colau ou Gerardo Pisarello, que acudirán ás urnas aínda que a consideran unha xornada mobilización e non un referendo. Na consulta participou o 44% das persoas inscritas, das que o 60% que apoiaron a proposta.
Este venres comezou a campaña #ChíaPolaFilosofía, que persegue implicar centros de ensino e a cidadanía en xeral na reivindicación da recuperación da materia de Filosofía no Bacharelato #FilosofíaSi
Unha carga policial en Murcia contra unha concentración veciñal que pedía o soterramento das vías do tren acaba con varias persoas feridas e 20 detidas
Armando Requeixo gaña o Premio Xornalístico Manuel Reimóndez Portela, que entrega o Concello da Estrada, por cinco artigos publicados no Faro de Vigo: "Rosalía voa alto", "Palabras para o Alén", "Lingua Zombi", "Cando iso non pode pasar aquí" e "De rosas e letras"
Este xoves faleceu Francisco Lores, presidente da Federación de Asociacións Galegas de Arxentina. Nacido no Grove, Lores contaba 83 anos e levaba no país austral dende os 18. Será soterrado no cemiterio da Chacarita
74 persoas mortas e un cento feridas nun dobre atentato perpetrado en Iraq polo ISIS nun posto de control e nun restaturante. A cifra de falecidos podería aumentar nas vindeiras horas
A campaña transversal do 'si' no referendo catalán comeza en Tarragona cun baño de multitudes. No acto participaron Carles Puigdemont, Quim Arrufat ou Oriol Junqueras.
O Goberno central ameaza con controlar por completo todos os pagamentos da Generalitat. A decisión do Goberno catalán de non remitir a Facenda os informes semanais permítelle arrogarse a potestade de pagar directamente as facturas
A crise de Cataluña non afecta á intención de voto dos partidos. A sondaxe de Celeste-Tel para El Diario mantén os catro principais partidos en niveis semellantes aos do mes pasado.
