17 elementos patrimoniais de toda Galicia figuran na lista vermella elaborada pola asociación Hispania Nostra, que recolle aqueles "en serio perigo de desaparición". Atopamos dende o barrio de Ferrol Vello ata as pinturas murais medievais de Moraime ou o Sanatorio de Cesuras.
Fálase
Luisa Lores detalla en Nueva Tribuna as sucesivas concesións da xestión de servizos sanitarios a fondos de investimento e multinacionais estadounidenses levadas a cabo pola Xunta nos últimos anos
As universidades de Vigo e Porto crearán equipos mixtos de investigación para concorrer a convocatorias europeas do Horizonte 2020. É unha das accións de colaboración con entidades lusas postas en marcha pola institución galega, e que foron debatidas nun cumio bilateral celebrado este mércores.
Feijóo reitera o seu apoio á permanencia de ENCE na ría de Pontevedra e ratifica nun acto con empresarios o abandono da súa promesa de traslado, mantida na oposición e incluída nos seus programas electorais de 2009 e 2012.
A EPA reflicte 11.900 persoas paradas máis en Galicia que no trimestre anterior e 21.200 menos que hai un ano. No último trimestre as persoas con traballo son 12.900 menos que tres meses antes e 4.700 máis que a comezos de 2014. Máis información, hoxe en Praza.
Novos documentos acreditan que a ditadura franquista recoñeceu o asasinato de Federico García Lorca. Publícaos El Diario
Pedro Sánchez garante que o PSdeG non facilitará gobernos do PP en Galicia e defende acordos municipais baseados nos programas. Afírmao nunha entrevista en La Voz
O PP rebaixa as súas expectativas nas cidades e centrarase nas deputacións. Rajoy acudirá a Galicia só nunha ocasión durante a carreira electoral. Cóntao El País Galicia
Facenda descobre o pago de 354.000 euros dunha construtora a Trillo. A empresa non acredita ante a Axencia Tributaria a "asesoría" realizada. O deputado Martínez Pujalte recibiu outros 75.000 euros.
Compostela Aberta presenta o segundo treito da súa lista, á que se incorporan persoas como a actriz Comba Campoy ou Víctor Ferreira, edil de Educación no primeiro goberno de Xerardo Estévez. A plataforma presentará publicamente a súa candidatura cunha "sesión vermú" o vindeiro sábado no seu local da Praza do Toural.