A Fiscalía investiga o Concello do Porriño por posible corrupción. Segundo publica está mañá Atlántico Diario, o Concello está sendo investigado pola Fiscalía provincial por presunta prevaricación e malversación de fondos públicos por contratación irregular de servizos. O PSdeG-PSOE pedirá unha comisión de investigación e a colaboración do BNG para convocar un pleno extraordinario
O cumio sobre o dereito a decidir conclúe sen acordo. CiU, ERC, PSC, ICV-EUiA e CUP traballarán a fin de semana e o luns intentarán consensuar unha declaración
Mariano Rajoy clausura este sábado en Almería a reunión intermunicipal do PP. Espérase que no seu discurso faga algunha referencia ao escándalo de Bárcenas
O Goberno indulta cinco mulleres condenadas na Coruña por tráfico de drogas. David Reboredo, en prisión por vender dúas papelinas, agarda o mesmo resultado
O ex secretario xeral de Alianza Popular Jorge Verstrynge afirma nunha entrevista en eldiario.es que "Bárcenas ten capacidade para voar o partido"
Portugal proxecta impoñer 15 novas peaxes en autovías, trece deles na rexión norte. As peaxes de Caminha até Porto pasan de sete a once e incorpóranse novas obrigas de pagamento entre Viana do Castelo e Ponte de Lima e entre Maia e Porto.
A policia corta a rúa Génova e tamén algunhas das rúas adxacentes para evitar que a concentración convocada en protesta contra a corrupción se realice xunto á sede do PP.
A Xunta activa o Plan especial de Protección Civil ante o risco de inundacións de nivel 1. "Prevese un empeoramento a media tarde en intensidade de choiva ata as 01,00 horas, sobre todo nas zonas de interior de Pontevedra, oeste de Ourense e Sur da Coruña, mantendose a alerta laranxa vixente no resto da provincia de Pontevedra e Ourense", sinala.
Denuncian que un policía local de Santiago "lle fractura os dedos a un mozo" e despois preguntoulle "y ahora, ¿qué?". Fíxoo público a Candidatura do Povo
A Fiscalía pide o reingreso en prisión de Alfon, o mozo de Vallecas detido o 14N e posto en liberdade hai uns días. Cóntao Público.