Centos de milleiros de persoas despiden Hugo Chávez nas rúas de Caracas. O percorrido pódese seguir en directo en Telesur.
![](https://praza.gal/media/cache/live_image/xornal/uploads/falase/foto/513763c6a166a-1362576998_613298_1362589132_portada_normal.jpg)
Centos de milleiros de persoas despiden Hugo Chávez nas rúas de Caracas. O percorrido pódese seguir en directo en Telesur.
O presidente de Caritas Europa, Jorge Nuño, advirte nunha entrevista co xornal portugués Público de que "coa austeridade estamos a crear máis pobreza para o futuro"
Morre unha muller mentres esperaba ser atendida en Urxencias do Hospital Xeral de Vigo, segundo conta Europa Press. Fontes do Sergas abriron "unha investigación interna" para coñecer as circunstancias do falecemento.
O barómetro do CIS tamén preguntou sobre a imaxe do profesorado, que empeorou nos últimos anos para a meirande parte dos entrevistados, que tamén consideran que está "pouco motivado". Cúlpase desta situación aos recortes e á "falta de respecto do alumnado".
O Caso Bárcenas converte a corrupción no segundo problema para os españois, segundo o barómetro do CIS do mes de febreiro. Catro de cada dez entrevistados sinálano como un dos tres principais problemas, só por detrás do paro.
O PP denuncia a El País e a Bárcenas e pide medio millón de euros "en concepto de indemnización de danos e prexuízos, que inclúe o dano moral".
O Supremo arquiva a denuncia dun sindicato policial contra Cayo Lara e Alberto Garzón por criticar a brutalidade policial do 25-S. O tribunal proclama que nun Estado democrático de dereito é "indesexable" que o dereito penal actúe como un factor de disuasión da liberdade de expresión
Un home de 50 anos cunha orde de desafiuzamento suicidouse esta mañá tirándose dende un cuarto andar en Bilbao.
O Servizo de Vixilancia Aduaneira regresou esta mañá ao Concello de Santiago por orde do xulgado de instrución número 1 de Lugo, que instrúe o caso Pokémon. Desta volta, os axentes están a descargar información do departamento municipal de informática.
Son moitas as versións do Harlem Shake realizadas en Galicia. Unha das máis recentes e curiosas é a que fixeron en Silleda na queixería artesanal e ecolóxica Cortes de Muar