Este mes que remata hoxe foi o febreiro máis seco no sur de Galicia dende que hai rexistros. Só choveu un día e en todo o inverno a diminución das precipitacións é do 70%. Explícao Carlos Balseiro.
Fálase
-
Mobilizacións para esta tarde en Galicia convocadas por CCOO e UGT no marco da xornada de protestas a nivel europeo contra as políticas de recorte e austeridade.
- A Coruña: fronte á Delegación do Goberno, a partir das 20:00 horas
- Santiago: Ás 19:30 horas no Toural
- Ferrol: Comezou ás 19:00 horas na Praza de Armas
- Viveiro: Praciña da Fonte Nova a partir das 20:00 horas
- Ourense: fronte á Subdelegación do Goberno, ás 20:00 horas
- Vigo: Oito da tarde tamén, fronte ao Museo Marco (Príncipe)
- Pontevedra e Vilagarcía, ás 20:00 horas na Praza da Ferrería e na da Ravella, respectivamente
Rajoy matiza as palabras do seu portavoz no Congreso, quen aventurou un recorte sen precedentes para pechar 2012 cun 4,4% de déficit. Volve botar man dos modismos. "Sin prisa pero sin pausa"
A Xunta de Persoal e o Comité de Empresa de Servizos Centrais da Xunta veñen de convocar para este xoves, 1 de marzo, concentracións de rexeitamento á Lei de Emprego Público xa aprobada no Parlamento. As concentracións serán ás 11:30 diante dos dous edificios administrativos da Xunta: San Caetano (diante da cafetería) e San Lázaro (diante do edificio de Medio Ambiente). Terán unha duración de 15 minutos.
A CIG continúa coa súa campaña informativa de cara á folga xeral xa convocada pola central nacionalista para o 29 de marzo. Este xoves teñen programadas mobilizacións en seis cidades galegas.
- Na Coruña haberá unha concentración ás 12:15 horas diante do INEM de Monelos na que participará o secretario xeral da CIG, Suso Seixo
- En Ferrol, manifestación ás 12:00 horas con saída dende a Avenida do Esteiro até a Praza do Concello
- Concentración ás 12:00 horas diante da Subdelegación do Goberno en Lugo
- En Santiago, saída ás 12:00 horas cara a Confederación de Empresarios, na rúa do Vilar, onde se celebrará unha concentración
- Na cidade das Burgas (Ourense) haberá unha concentración ás 11:30 horas diante da oficina de Novagalicia Banco da Rúa do Paseo
- En Vigo está programada unha asemblea "aberta" no Mercado do Calvario, ás 12:00 horas
Xa non hai espazo para rumores. General Motors (GM) e PSA Peugeot Citroën anuncian a súa alianza estratéxica a nivel mundial. Os norteamericanos adquirirán o 7% do capital social da firma francesa, que ten unha factoría en Vigo. Le Monde amplía a información
A UDC concederá o Honoris Causa a Manuel Rivas e a John Rutherford o 23 de marzo.
Imaxe da manifestación multitudinaria dos estudantes en Valencia, este mediodía, contra os recortes nos servizos públicos. Foto, de @rdlfg
O tenente de alcalde de Lugo, o nacionalista Antón Bao, asegura que o goberno lugués "non cumprirá nin unha soa coma da reforma laboral no que ao municipio respecta" por "fomentar o despedimento libre e un modelo económico fracasado"
Aumentan as vendas de periódicos xeneralistas en Portugal un 1,12%. Son datos da Associação Portuguesa para o Controlo de Tiragem e Circulação recollidos polo diario especializado Jornal de Negócios.