Sete tramos da AP-9 rebaixarán peaxes a turismos por primeira vez desde a crise. O desconto será de 5 céntimos
Fálase
O Ministerio propón reabrir a pesqueira de xurelo por un intercambio de cota de xarda. A asemblea do cerco decide o sábado se acepta o cambio de 500 toneladas pero di estar decepcionada porque "non se toca o fondo" do reparto.
Amancio Ortega convértese no home máis rico do mundo, segundo a lista da revista Forbes. O fundador de Inditex adianta a Bill Gates e a súa fortuna supera os 70.000 millóns de euros.
Francisco Vázquez di que "ningún católico pode votar o PSOE" e cre "sectario" eliminar Relixión das escolas.
A iniciativa #naprazapolaunidade convoca a cidadanía galega a mobilizarse nas prazas hoxe de 20 a 21 horas para reclamar unha candidatura unitaria de cara ás vindeiras eleccións xerais.
O alcalde da Coruña, Xulio Ferreiro, rexeita impoñer sancións por infracións que recolle a lei mordaza, a pesar que dende o pasado mes de xuño os rexedores teñen competencias sancionadoras.
Cavaco Silva encarga formar Goberno a Passos Coelho e critica o pacto de esquerdas, alertando das consecuencias “de uma alternativa claramente inconsistente sugerida por outras forças políticas”. O Presidente portugués mesmo apela á disidencia dos deputados do PS máis críticos.
A asociación El Defensor del Paciente denuncia a Rajoy ante o Supremo por pagar con cartos públicos o coidado do seu pai, nun presunto delito de malversación fondos públicos.
O xuíz ordena o ingreso en prisión do tesoureiro de Convergència, Andreu Viloca, polo risco de fuga e destrución de probas. Artur Mas dará explicacións este venres no Parlament sobre as adxudicacións investigadas.
O Concello da Coruña aproba a demolición parcial do edificio Conde de Fenosa para legalizar o inmoble. A xunta de goberno local dará mañá o visto e prace ao proxecto, que costará 1,5 millóns e levará dous anos. Cóntao La Opinión.
