🏳️🌈
O Goberno de España sondea o Vaticano para enviar a Fernández Díaz como embaixador tras o escándalo da conspiración para incriminar políticos cataláns. A Santa Sé non ve con bos ollos a operación, segundo conta o xornalista Jesús Bastante nesta reportaxe en eldiario.es
O rei Felipe VI recibe este mércores á voceira de En Marea, Alexandra Fernández, dentro da rolda de consultas para a formación de Goberno.
Hacienda detecta en Galicia 213.000 construcións que non estaban inscritas no Catastro. É a segunda comunidade en volume total de fraude tras Andalucía e tamén a segunda en porcentaxe sobre o total de construcións (15%) tras Aragón.
Sarria acolle os primeiros 11 refuxiados sirios que chegan a Galicia. Aloxaranse en pisos da Xunta postos a disposición da Cruz Vermella.
En plena negociación para formar Goberno, Bruxelas dá a España ata 2018 para que o novo Executivo faga máis recortes. Este mércores a UE fixará a multa por non controlar o déficit en 2015.
Ferida grave unha traballadora na refinaría de Repsol na Coruña. Padece queimaduras de terceiro grao no 50% do corpo e permanece ingresada no hospital.
O PP, procesado pola destrución dos ordenadores de Luis Bárcenas. Adiántao eldiario.es
Telefónica terá que pagar 205.000 euros ao Concello de Pontevedra. Así o ditamina o TSXG, que lle dá a razón ao goberno local no cobramento de taxas polo uso do espazo radioeléctrico en 2008 e 2009. Recólleo Pontevedra Viva
Francia responsabiliza o 'Estado Islámico' do asasinato dun sacerdote e da toma de reféns dunha igrexa en Normandía
Este mércores entra en vigor a reforma das axudas a vítimas de violencia machista, que agora poderán ser solicitadas todo ano. A modificación, publicada hoxe no DOG, foi aprobada no Parlamento no derradeiro pleno ordinario da lexislatura.