Fálase

O Pedrón de Ouro de 2013 recaerá no Grupo de Teatro Airiños e o Pedrón de Honra será outorgado á musicóloga Dorothé Schubart, autora da monumental obra O Cancioneiro Popular Galego

Tras unha denuncia de FACUA, o Instituto Nacional de Consumo e as autoridades de protección ao consumidor das comunidades autónomas emitiron un informe que determina que os consumidores teñen dereito a liberar os seus móbiles de balde

Astiberri publicará Conspiraciones, o novo álbum de José Domingo, o autor de Aventuras de un oficinista japonés

A Xunta anuncia o nacemento do primeiro proxecto creado nas oficinas que aluga na Cidade da Cultura. Trátase dunha empresa que promove o Camiño de Santiago como "escenario de viaxe de procesos de coaching e desenvolvemento persoal", segundo informa o Goberno galego.

Afectados polas preferentes estudan denunciar os partidos que apoiaron a fusión das caixas. Preparan unha gran manifestación para o 20 de abril en Vigo.

O Goberno central gastou máis de 100.000 euros en cambiar nomes de ministerios e departamentos administrativos. Cóntao El Diario.

Fortes enfrontamentos entre afectados polas preferentes e a policía en Nigrán. Cóntao El País.

Darty, antiga San Luís, pecha as súas tendas en Galicia e bota 150 empregados.

O activista catalán Enric Durán, que se atopa en busca e captura, será entrevistado esta tarde en Carne Cruda. Será a súa primeira entrevista dende que foi condenado.

#consellodaxunta Feijóo remítese á súa "interesante" comparecencia do vindeiro mércores no Parlamento para ofrecer máis aclaracións sobre a súa relación con Marcial Dorado. "Permítame que os titulares" queden para o mércores, sinala a preguntas de prensa. "Os que querían montar unha infamia non poden seguir estirando este asunto", afirma.