O BNG e Galiza Nova de Santiago inician unha acampada na parcela da avenida Xoán XXIII na que o Concello e a Xunta liquidaron un proxecto de vivenda protexida para a mocidade.
![](https://praza.gal/media/cache/live_image/xornal/uploads/falase/foto/5541cb2c95c0d-cd0nm7twyaawnip.jpg)
O BNG e Galiza Nova de Santiago inician unha acampada na parcela da avenida Xoán XXIII na que o Concello e a Xunta liquidaron un proxecto de vivenda protexida para a mocidade.
Ignacio Escolar analiza nun artigo a proposta de censura á prensa lanzada polo ministro de Xustiza, Rafael Catalá, que propón multar os medios que publiquen determinadas informacións xudiciais.
O DOG publica os permisos aos que se pode acoller o persoal da Xunta que teña que traballar na xornada das eleccións municipais
O Goberno central insta a Xunta a facilitar a apertura de grandes superficies comerciais prescindindo do permiso autonómico. No Faro de Vigo
As universidades galegas chegan a un acordo para compartir a docencia en Medicina e que a única facultade siga a ser a de Santiago. En La Voz
Os candidatos á alcaldía de Lugo celebraron este mércores o seu segundo debate público e aberto a todas as forzas. Desta volta estivo organizado pola Asociación da Prensa. (Imaxe do PSdeG de Lugo).
O Goberno renuncia a privatizar o servizo do Rexistro Civil a través da súa xestión a cargo dos rexistradores mercantís e adía a 2016 a súa reforma. O ministro de Xustiza, Rafael Catalá, valora traspasalo aos concellos ou ás comunidades autónomas. O proxecto contaba coa firme oposición dos sindicatos e da maior parte das forzas políticas.
O IGADI anuncia o seu traslado dende Baiona, onde sufriu a "hostilidade" do alcalde, ata Pontevedra, onde estará a súa nova sede.
O Tribunal de Xustiza da Unión Europea avala que os países membros poidan prohibirlles aos homosexuais doar sangue, como xa fai Francia. O fallo alude a que "estas persoas están expostas a un risco elevado de contraer enfermidades infecciosas graves, coma o VIH"
O Parlamento aproba unha declaración de apoio ao pobo saharauí e reclama a súa autodeterminación. Pódese consultar o texto íntegro nesta ligazón