Dimite o alcalde de Ourense. O rexedor, imputado na operación Pokemon, presentou a súa renuncia antes de que a súa continuidade fose debatida na asemblea local do PSdeG. Faino unha semana despois de ser detido. Máis información, esta tarde en Praza.
![](https://praza.gal/media/cache/live_image/xornal/uploads/falase/foto/50643ad5cbbf7-4faab073e89cb-francisco-rodriguez-alcalde-ourense.jpg)
Dimite o alcalde de Ourense. O rexedor, imputado na operación Pokemon, presentou a súa renuncia antes de que a súa continuidade fose debatida na asemblea local do PSdeG. Faino unha semana despois de ser detido. Máis información, esta tarde en Praza.
Os concelleiros do BNG abandonan o Goberno de Ourense renunciando ás súas competencias. Ademais, Fernando Varela, imputado por supostos delitos de prevaricación e aceptación de subornos, presentou a súa renuncia como concelleiro. Máis información, esta tarde en Praza.
O Goberno sobe un 1% as pensións e mantén a compensación polo IPC, segundo adianta Europa Press.
A Audiencia Nacional rexeita investigar os detenidos polo 25S. Non considera que cometesen delitos contra a nación, como si asegurou a Policía. Cóntao El Diario.
Traballadores do naval e funcionarios maniféstanse xuntos en Ferrol en contra dos recortes e para reclamar carga de traballo para os estaleiros da ría. Unhas 3.000 persoas concentráronse fronte ao Concello.
#consellodaxunta Feijóo di, en relación co caso Pokémon, que "hai partidos aos que lles molesta que actúe a xustiza". Segundo Feijóo "é bo para a sociedade" que "a clase política saiba que non hai períodos de graza" e que "en calquera momento pode haber unha investigación" con "responsables políticos mesturados".
#consellodaxunta A Xunta convoca unha oferta pública de emprego no Sergas para médicos especialistas e de urxencias con 176 prazas.
O PPdeG comeza a distribuír un vídeo das Novas Xeracións no que dá a súa particular visión da politica galega dos últimos meses e afirma "se non quixemos caldo bipartito hai catro anos agora ofrécennos cinco cuncas", en referencia a PSdeG, BNG, Anova, EU e CxG
#consellodaxunta A Xunta delega no Concello de Santiago as competencias para outorgar licenzas urbanísticas no 'cinto azul', a zona "perimetral" do casco histórico compostelán. O Goberno galego xa non intervirá nestas decisións.
O alcalde de Lugo, Xosé López Orozco, solicita comparecer de forma voluntaria no caso Pokémon, segundo adianta Radio Lugo