Morre aos 83 anos Maurice Sendak, autor de Onde viven os monstros, entre outras obras.
Fálase
-
A Real Academia Galega pide á Xunta que tome en serio o seu financiamento e advirte que coa súa partida orzamentaria non poderán abrir o arquivo, a biblioteca nin o museo. Ademais, o presidente da entidade, Méndez Ferrín, tamén cualificou de "ofensa" que as academias vascas e cataláns reciban máis subvención que a galega.
A UE considera ilegais as subvencións outorgadas nos últimos anos pola Generalitat Valenciana aos estudios cinematográficos da Cidade da Luz de Alacante. Obriga ao complexo a devolver 256 millóns de euros á administración.
Os impulsores do movemento de insubmisión fiscal en Catalunya anuncian que, ademais do IVE, a partir de agora ingresarán tamén o IRPF e o imposto de sucesións na Axencia Tributaria Catalá. Ademais, valoran a posibilidade de presentarse ás eleccións á marxe dos partidos políticos.
O escritor e profesor da Facultade de Humanidades de Lugo Claudio Rodríguez Fer foi nomeado doutor honoris causa pola Universidade de Alta Bretaña en Rennes
A CIG propón que os directivos de Novagalicia Banco cobren o mínimo legal do plan de pensións: 1 euro. “Unha proposta que pensamos ten toda a lexitimidade e que ten amparo legal”, explica a central nacionalista, que cre que os xestores "xa recibiron indemnizacións multimillonarias, malia a súa responsabilidade na xestión da entidade"
Bruxelas non descarta dar máis tempo a España para recortar o déficit. O vicepresidente da Comisión Europea e responsable de Asuntos Económicos e Monetarios, Olli Rehn, di que podería aumentar o prazo un ano, até 2014, se o Estado "resolve problemas en banca e rexións".
Segundo a enquisa do CIS, a folga xeral do 29M foi un "fracaso" para a metade dos españois, e un "éxito" para o 21%. A percepción positiva é maioritaria entre os votantes de IU e está igualada coa negativa entre os electores do PSOE. Porén, a autoubicación ideolóxica dos cidadáns xira á esquerda e sitúase no 4,68 (1 para extrema esquerda, 10 para extrema dereita). É a posición máis esquerdista dende abril de 2009.
O desemprego e a situación económica seguen sendo os dous problemas que preocupan máis aos cidadáns, aínda que a percepción conflitiva de "os políticos", a corrupción, a sanidade e a educación manteñen taxas elevadas. A valoración de todos os principais líderes políticos descende dende a enquisa precedente do CIS.
O barómetro de abril do CIS reduce en tres puntos a diferenza en estimación de voto entre PP (40,6%) e PSOE (29,6%), cun importante ascenso para IU (8,6%), ERC (1,7%) e Amaiur, que irrompe cun 1,3% e supera o PNV (1,2%). UPyD baixa pero mantén un 5,1% e o BNG descende dúas décimas e fica en 0,3%. En intención de voto, a diferenza entre PP e PSOE, que en xaneiro era de 12 puntos, redúcese a 3,2.