A CIG propón que os directivos de Novagalicia Banco cobren o mínimo legal do plan de pensións: 1 euro. “Unha proposta que pensamos ten toda a lexitimidade e que ten amparo legal”, explica a central nacionalista, que cre que os xestores "xa recibiron indemnizacións multimillonarias, malia a súa responsabilidade na xestión da entidade"
Fálase
Bruxelas non descarta dar máis tempo a España para recortar o déficit. O vicepresidente da Comisión Europea e responsable de Asuntos Económicos e Monetarios, Olli Rehn, di que podería aumentar o prazo un ano, até 2014, se o Estado "resolve problemas en banca e rexións".
Segundo a enquisa do CIS, a folga xeral do 29M foi un "fracaso" para a metade dos españois, e un "éxito" para o 21%. A percepción positiva é maioritaria entre os votantes de IU e está igualada coa negativa entre os electores do PSOE. Porén, a autoubicación ideolóxica dos cidadáns xira á esquerda e sitúase no 4,68 (1 para extrema esquerda, 10 para extrema dereita). É a posición máis esquerdista dende abril de 2009.
O desemprego e a situación económica seguen sendo os dous problemas que preocupan máis aos cidadáns, aínda que a percepción conflitiva de "os políticos", a corrupción, a sanidade e a educación manteñen taxas elevadas. A valoración de todos os principais líderes políticos descende dende a enquisa precedente do CIS.
O barómetro de abril do CIS reduce en tres puntos a diferenza en estimación de voto entre PP (40,6%) e PSOE (29,6%), cun importante ascenso para IU (8,6%), ERC (1,7%) e Amaiur, que irrompe cun 1,3% e supera o PNV (1,2%). UPyD baixa pero mantén un 5,1% e o BNG descende dúas décimas e fica en 0,3%. En intención de voto, a diferenza entre PP e PSOE, que en xaneiro era de 12 puntos, redúcese a 3,2.
A patronal galega pide igual trato para NCG e Bankia porque cre que "a situación é parecida" e urxe unha solución. "Non facelo así sería unha discriminación", di.
Fernández Currás amósase de acordo con que se usen cartos públicos para sanear o sistema financeiro. A secretaria de Estado de Orzamentos e ex conselleira na Xunta argumenta que a saúde dos bancos "é unha prioridade" para o Goberno. "A reforma financeira vai no camiño correcto", di.
O BNG presenta a súa convención nacional, coa que o domingo lanzará a candidatura de Francisco Jorquera á Xunta. Baixo o lema En Bloque podemos, os nacionalistas apostarán por "liderar o cambio político en Galiza", un cambio que, di a súa secretaria de organización, Montse Prado, "pasa polo avanzo do BNG".
O deputado do PP Jaime Castiñeira dille ao Grupo Socialista, durante o pleno do Parlamento galego, que deberan "estar colorados" e "agochados baixo as súas mesas" durante a sesión ola xestión do Goberno de Zapatero
O número de familias e empresas en concurso de acreedores ascendeu un 21,5%, até alcanzar as 2.224 no conxunto do Estado. É a cifra máis alta desde o comezo da crise económica.