A repetición das eleccións xerais apenas suporía cambios, segundo unha enquisa que hoxe publica eldiario.es
Fálase
-
Persoal de TVE recea do novo director da canle, antigo xefe de prensa do PP en Catalunya.
A UE propón devolver os refuxiados a Turquía e dende alí conceder asilo só aos sirios. Rajoy ofrecerá acoller uns 450 refuxiados a pesar de que se comprometera a dar asilo a máis de 17.000
O PSOE non acudirá á xuntanza dos partidos de esquerdas polo veto a Ciudadanos e a negativa dos socialistas de negociar sen a formación de Albert Rivera
En Marea rexistra no Congreso a proposición non de lei para reclamar a anulación da prórroga de ENCE. "Empregaremos todas as vías legais e xurídicas en colaboración con colectivos como Salvemos Pontevedra para conseguir que a ría volva ser da xente", din.
O Concello de Pontevedra expedienta a empresa Cespa por non colaborar no "esclarecemento" de presuntos "enchufes". A compañía, do grupo Ferrovial, é unha das investigadas na operación Patos.
O rei non convocará, polo momento, unha nova rolda de consultas para a investidura. Así o confirma a Casa Real nun comunicado tras a xuntanza do xefe do Estado co presidente do Congreso, Patxi López.
Breogán Riobóo dirixe unha "carta" á militancia de Podemos Galicia para anunciar o lanzamento "dun proceso participativo, edificante, que transcenda nunha candidatura ampla, que sexa representativa da esencia do que é Podemos". O partido celebra primarias en abril. Podes descargar a misiva íntegra nesta ligazón
Os comuneiros de Cabral elixirán o vindeiro 17 de abril unha nova Xunta Reitora. Unha tensa asemblea, con máis de 650 participantes, fixou a data das eleccións e aprobou as contas de 2014 e 2015. O sector crítico acusa a actual directiva de manipular o censo e de malgastar varios millóns de euros.
Bernie Sanders suma a súa oitava vitoria nas primarias demócratas dos Estados Unidos fronte a Hillary Clinton, que leva 12.