SinPermiso publica unha análise do conflito sirio na que Asad AbuKhalil, membro do comité editorial da revista Arab Studies Journal, chama a opoñerse ao Consello Nacional Sirio, que combate o réxime de El Assad
Fálase
"Hai que revisar a xustiza gratuíta ou as prestacións sanitarias". É o titular dunha entrevista concedida polo presidente da Xunta, Alberto Núñez Feijóo, ao diario La Razón. "O camiño está cheo de esperanza: Rajoy ten a nave cun rumbo fixo e este é o Goberno que impulsou máis reformas estruturais en menor tempo"
EVO Banco empeza a tuitear. A marca, que adiantou en exclusiva Praza Pública, preséntase este mediodía en Madrid por parte dos seus tres máximos executivos.
De Cospedal incendia o luns asegurando, nunha entrevista en El País na que realiza unha pechada defensa da reforma laboral, que "en España hai que traballar máis"
A campaña das eleccións andaluzas vive unha polémica semellante á dos comicios galegos de 2009. O candidato do PP, Javier Arenas, négase a debater na televisión pública e non acudirá a Canal Sur esta noite. Na Cadena SER.
A filial portuguesa da fabricante de cámaras fotográficas Leica vai aumentar o cadro de traballadores. Ademais, a firma "atribuiu aos trabalhadores um prémio monetário para compensar o corte do subsídio de Natal e a sua produtividade", recolle o Jornal de Negócios. "A Alemanha precisa de Portugal. Já houve tentativa de deslocalizar alguns produtos ou componentes. Fazemos aqui alguns produtos que são únicos no mundo", confesa o presidente, Carlos Mira.
Hoxe o Diario Oficial de Galicia publica o anuncio do contrato para o mantemento dos xardíns de Sogama. Como adiantou Praza Pública, pode chegar a custar ata 9.000 euros ao mes.
Alfoz e O Valadouro, camiño da fusión? Os concellos pediránlle un estudo á Xunta sobre a posible unión, que os concelleiros do BNG piden dende hai vinte anos. En El País.
As accións de Banco Pastor xa non cotizan na Bolsa de Madrid. Formalizada a absorción por parte de Banco Popular, a traxectoria do banco galego como entidade cotizada rematou cun valor bursátil superior aos 950 millóns de euros. Os últimos títulos comercializados estaban a 3,5 euros. Banco Pastor é xa unha marca unicamente.
Inditex abrirá este mércores unha das súas flagstores na Quinta Avenida de Nova York, como recolle o diario Cinco Días. A firma con sede en Arteixo inaugurará un novo Zara que suporá unha redefinición desta marca. Inditex empezará a vender nos Estados Unidos tamén por internet. A maior tenda do mundo da firma téxtil galega é a súa páxina web.