O Consello Cidadán de Podemos Galicia aproba por maioría absoluta un documento no que aposta pola confluencia de cara ás autnonómicas de outono en liña co manifesto impulsado polos alcaldes da Coruña, Compostela e Ferrol. Carmen Santos, secretaria xeral da formación, abandonou a xuntanza e mantén a súa aposta por debater esta cuestión nas asembleas locais do partido.
Fálase
Os autónomos e autónomas galegas gañan unha media de 510 euros ao mes, a cifra máis baixa dende o 2003 e un 35% menos que hai unha década. Só o 12% ingresa máis de 17 mil euros netos.
Os plenos municipais de Cotobade e Cerdedo aproban a fusión dos dous concellos, no derradeiro trámite municipal, no que se resolveron as alegacións presentadas. En ambos os dous casos o proxecto contou só cos votos do PP e o PSdeG-PSOE ausentouse das votacións. A fusión completarase antes de final de ano
Francotiradores matan a catro policías en Dallas nunha manifestación contra a violencia policial, que chegaba despois de que axentes acabasen coa vida de dúas persoas negras. No que vai de 2016 máis de 130 afroamericanos morreron a mans da policía nos Estados Unidos
Asasinan unha nova líder indíxena en Honduras. Lesbia Yaneth militaba de forma activa contra a construción de encoros e dun proxecto hidroeléctrico na súa localidade. A súa morte chega catro meses despois do de Berta Cáceres e insírese nun intenso proceso de violencia política e represión contra os grupos opostos ao Goberno e á actividade de mulninacionais
A Xunta Electoral Central confirma que non recibiu ningún recurso contra o escrutinio das eleccións xerais do 26 de xuño
A UE ratifícalle ás vítimas de Angrois, como xa constatara a Audiencia da Coruña, que a investigación de Fomento sobre o accidente non foi independente. Toda a información, aquí
A UE activa o proceso para sancionar a España por incumprir o obxectivo de déficit. A decisión final dependerá do Consello de Ministros de Economía e Finanzas, o Ecofin
Feijóo admite que “hai que perfeccionar o protocolo” de actuación en emerxencias logo da descoordinación durante o rescate dun afogado en Ribeira. Porén, o PP negouse a investigar e mellorar no Parlamento a descoordinación durante o incendio de Fandicosta en Moaña.
O científico Ángel Carracedo será o pregoeiro das Festas do Apóstolo, cuxo programa está a presentar esta mañá o Concello de Santiago