Mariñeiros do cerco poñen fin a varios dos peches que mantiñan en varios Concellos galegos. En Madrid, mantense aínda unha xuntanza onde se decidirán as cotas para o sector galego.
Fálase
A Xunta prepara un decreto que obrigará os bancos a notificaren as vivendas baleiras coas que contan en concellos de máis de 10.000 habitantes. O proxecto tratouse na xuntanza do Consello da Xunta, cuxa referencia pode ser consultada nesta ligazón.
A Xunta destitúe a Antonio García Quintáns como xerente da área de xestión integrada de Lugo e nomea a Ramón Ares, que abandona o cargo de director xeral de Asistencia Sanitaria.
Anticorrupción pide 4 anos e medio de cárcere para Rato e 6 para Blesa polas tarxetas 'black'. A Fiscalía pide que o exvicepresidente do Goberno pague 2,6 millóns e que Blesa achegue 9,3 polas cantidades gastadas mentres presidían Bankia e Caja Madrid.
PP e PSOE garanten a constitución dos grupos parlamentarios de ERC e Democràcia i Llibertat malia non acadaren a porcentaxe de votos que esixe o Regulamento, segundo informa Europa Press
Declárase a fin da epidemia de ébola en Liberia, a máis mortífera da historia. Cóntao Desalambre
O espazo Paisajes urbanos de eldiario.es resalta o modelo de cidade de Pontevedra. Por que todas as cidades ollan a Pontevedra
Os tractores abandonarán a Muralla de Lugo, segundo vén de decidir o colectivo Agromuralla e adianta a Radio Galega.
Galicia, entre as comunidades nas que máis descendeu o Índice de Confianza Empresarial no último trimestre. Tan só Navarra e Baleares rexistran unha evolución máis negativa.
A Federación de Asociacións de Veciños de Lugo traballa na preparación dunha ILP en favor do ferrocaril na provincia, pedindo tamén a chegada da alta velocidade á cidade das murallas