Todos os partidos do Parlament catalán, agás o PP e Ciutadans, acordan non acatar a lei Wert se non muda nos seus "ataques" á lingua catalá. En El Periódico.
Fálase
-
Sanidad impón o pago por traslados en ambulancia para tratamentos non urxentes. Os pacientes e pensionistas de menos renda pagarán 10 ou 20 euros ao mes e os traslados desde o hospital tras recibir a alta tamén serán de pago, segundo adianta a Cadena Ser.
Localizan 28 millóns de euros de bens de Mubarak en España. Foron bloqueados 18,4 millóns en produtos financeiros en varias entidades españolas.
A Xunta pidelle os seus traballadores que atrasen as vacacións "polo traballo acumulado" e di que pemitirá coller os días de vacacións e os días de asuntos propios até o 31 de marzo. A CIG cre que só é unha excusa para denegar permisos de nadal.
Vigo celebra hoxe o gran partido realizado na noite de onte ante o Real Madrid ao que derrotaron 2-1. O partido de volta dos oitavos de final da Copa do Rei disputarase a semana que vén.
Arnaldo Otegi afirma nunha entrevista realizada ao diario Sud Ouest que “o único escenario posible e desexable é o desmantelamento das estruturas militares de ETA” e anima a Francia a supervisar o proceso
O Telediario da noite de TVE segue perdendo espectadores. A semana pasada obtivo unha audiencia media do 11,5%, o seu minimo histórico, e foi o terceiro informativo máis visto, detrás de Telecinco e Antena3.
A UE acorda un supervisor bancario único, que vixilará 200 entidades financeiras europeas. Só seis delas son alemás, despois de que Merkel conseguise que ficasen fora as súas caixas de aforros
O Goberno forza o peche da oficina ONU Mulleres en España. A delegación non supoñía custo ningún para o Estado e está presente en máis de 70 países. Cóntao El Diario.
Paco Vázquez compara a inmersión lingüística coa persecución aos xudeus na Alemaña nazi. "Non hai diferenza entre un xudeu perseguido polos nazis e un neno catalán castigado por falar español", asegurou o ex alcalde da Coruña no programa Foro Aberto da TVG.