Toxo e Méndez falan dun "éxito indiscutible" na folga xeral. Os secretarios xerais de CCOO e UGT aseguran que tiñan razón ao esixir que a reforma laboral sexa modificada "en profundidade" e cren que a súa petición é agora máis xustificada se cadra tras a participación "masiva e maioritaria" dos traballadores no paro.
Fálase
#folgaxeral O PP acusa dende Twitter á CIG, á que cualifica de "brazo sindical do BNG", de procurar a redución do operativo contra incendios
Axentes antidisturbios permanecen ante o Concello de Santiago, onde o alcalde, Gerardo Conde Roa, resolveu celebrar pleno ordinario malia á folga e ás críticas da oposición.
Moitas intervencións en twitter denuncian #manipulacion na TVG. No Telexornal do mediodía case non se falou da #folgaxeral, e cando se fixo foi ser dar cifras de participación nas manifestación, sen planos xerais das mesmas e salientando a "desunión sindical". A TVG primou a información e as imaxes sobre a actividade dos piquetes informativos por riba das crónicas das mobilizacións, relegadas á segunda metade do Telexornal.
A Praza da Quintana tamén quedou pequena #folgaxeral
#folgaxeral A Policía local fala duns 60.000 manifestantes en total na Coruña (15.000 na da CIG, 40.000 na de CCOO e UGT). Os sindicatos falan de moitos milleiros máis. A CIG, por exemplo, duns 30.000 na súa convocatoria. Imaxe de corunaonline
En Santiago, un volume importante de xente nova con pancartas feitas na casa, tanto coa CIG como con UGT e CCOO #folgaxeral A Praza da Quintana segue enchéndose cos manifestantes da CIG cando aínda hai xente no Ensanche da cidade
#folgaxeral Os sindicatos comezan a dar as primeiras cifras de participación. A CIG estima que en Vigo se manifestaron 100 mil persoas e 30 mil na Coruña. Das marchas de CCOO e UGT polo de agora hai datos de Vigo (105 mil, 85 mil segundo a policía local) e Compostela (25 mil)
Dende Vigo, Alexandre Pérez (@xandreps) conta que está a rematar a manifestación da CIG, e a el aínda lle queda un kilómtero para chegar ao remate e tampouco ve a cola da marcha #folgaxeral
En Compostela a Praza de Praterías queda moi pequena para a gran cantidade de persoas que están a participar na manifestación de CCOO e UGT #folgaxeral
