O porto de Vigo, bloqueado polas protestas do cerco. Mariñeiros e mozos cortan os accesos con contedores queimados e lanzan bengalas. Imaxe de @nicocastro.
Fálase
Un ministro de Estonia informou a representante de política exterior da UE, Catherine Ashton, de que a represión en Kiev foi obra de francotiradores da oposición. Russia Today emitiu unha gravación da conversa, cuxa autenticidade xa foi confirmada polo goberno estonio
O Servizo de Información de posibles casos de bebés roubados rexistra 11 expedientes en Galicia no seu primeiro ano de funcionamento, segundo informa o Ministerio de Xustiza.
A UE ofrece 11.000 millóns de euros a Ucraína para afastala da quebra. A axuda entregaríase en dous anos e súmase aos 1.000 millóns que achegarán os EUA.
A Plataforma Sarriana polo Río denuncia o reinicio das obras de encauzamento do río, centradas nestes momentos na ponte do Toleiro. Un grupo de veciños e veciñas encheu a ponte case de inmediato, forzando a paralización dos traballos.
Máis dun milleiro de emigrantes retornados de toda Galicia maniféstanse a esta hora na Coruña contra as multas que Facenda lles impón polas súas pensións. Máis información, hoxe en Praza.
O BNG de Santiago convoca un "enterro da corrupción" ás 12:00 desta mañá. O cortexo partirá da Praza do Obradoiro e rematará no parque de Bonaval, antigo cemiterio da cidade.
Un estudo realizado por psicólogos das universidades de Manitoba, Winnipeg e British Columbia, en Canadá, analiza a personalidade dos trolls de Internet. Cualifican a súa personalidade como "sádica" e cren que acosan online "porque é máis doado" e que, doutro xeito, estarían molestando persoas do seu entorno
Teresa Gómez Limón, a deputada do PP na Asemblea de Madrid ferida no accidente de Angrois, anuncia que ao remate da lexislatura deixará a política porque "deixa moito que desexar". Ademais das súas críticas pola xestión do sinistro, tamén se pronunciou recentemente en contra da reforma do aborto ou da actuación do Ministerio do Interior en Ceuta
Varias entidades bancarias, encabezadas por Bankia, demandan as construtoras Abertis, ACS e Sacyr polas débedas que manteñen a raíz da construción das autoestradas radiais R-3 e R-5 de Madrid, e que suman un buraco de 5.000 millóns de euros.