Attac critica o decreto-lei de medidas urxentes de protección de debedores hipotecarios sen recursos e considera que poucas persoas se poderán acoller a el, que ademais non incopora fórmulas para forzar ás entidades bancarias a aplicalo.
Fálase
Faltan tres días para a folga xeral convocada en Portugal, que terá lugar unha semana antes da que se vai desenvolver en Galicia. A CGTP ultima os detalles da xornada e anima aos traballadores lusos cun vídeo reivindicativo. O sindicato habilitou unha web para canalizar toda a información sobre a folga a través dela.
Sin Permiso publica un artigo de Robert Fisk no que reflexiona sobre a explicación escollida pola meirande parte dos medios de comunicación (un ataque de loucura) sobre o masacre perpetrado por un sarxento do exército norteamericano hai unhas semanas en Afganistán.
O actual presidente de Timor Leste, José Ramos-Horta, fica fóra da segunda volta das eleccións presidenciais, celebradas este sábado. Lu-Olo e Taur Matan Ruak (apoiado por Xanana Gusmão, que en 2007 fixo campaña por Ramos-Horta) disputarán esta segunda volta o 14 de abril.
Intensos enfrontamentos entre o exército sirio e os rebeldes en varios barrios da capital do país, Damasco. Máis información en Al-Jazeera.
O Rosal, onde se calcula que o dez por cento dos seus habitantes está afectado polas preferentes de Nova Galicia Banco, mobilízase para pedir que lles devolvan os cartos.
"Somos o grito do pobo". Unhas 100.000 persoas volveron tomar a Bastilla, en París, convocadas pola Fronte da Esquerda. "Apoiámonos neste sitio", lugar de inicio "das revoltas e revolucións en Francia. Somos a bandeira vermella", clamou Jean-Luc Mélenchon
Lembrade que este luns na Coruña os traballadores de Alcoa doarán sangue no Obelisco a partir das 10:00 horas. Este acto de solidariedade enmárcase dentro das accións reivindicativas que están levando a cabo para defender seus postos de traballo. Xa levaron alimentos á cociña económica para agradecer o apoio da cidadanía coruñesa.
Aquí tedes o vídeo do flashmob pola independencia de Cataluña que se celebrou este mediodía en Barcelona. "La plaça de Catalunya de Barcelona s'ha omplert de gent i d'estelades aquest migdia durant la realització del Flashmob per la independència", cita Vilaweb.
O Cadernos desta semana vén cargado de boas análises. Entre as novas que destaca a publicación está a da decisión de Alemaña de pechar as portas da cobertura por desemprego aos parados procedentes de España. Destacamos, asemade, estoutros posts:
- As asociacións de Suíza rexeitan o anteproxecto de reforma da Lei de Galeguidade da Xunta. Enlace
- As historias da nova diáspora galega na rede, de Sara Comesaña. Preme aquí
- Editorial: Unha oportunidade? "Somos nós, os pesimistas, os que xa marchamos, os que queremos darlle unha oportunidade a Galiza, despois do fracaso colectivo que representa a emigración. Construamos desde fóra esa esperanza, agora que aínda estamos a tempo", apunta Cadernos.