O Goberno central defende denominar "generalísimo" ao ditador Francisco Franco porque, ao seu xuízo, responde á "bagaxe cultural". Cóntao Público.es
Fálase
Francisco Aréchaga, novo director xeral de Mineira de Corcoesto, dimite como presidente da Cámara Mineira. As plataformas contrarias ao proxecto solicitaran a súa marcha á fronte da patronal.
Afectados polas preferentes de toda Galicia manifestaranse o vindeiro 5 de outubro en Lugo, no día de San Froilán.
Ferrol pemitirá o acceso dos cans a unha das praias do concello durante todo o ano. O Concello promete que "non será unha cala", senón un "areal principal".
O Congreso debaterá este xoves declarar BIC as corridas de touros, a partir dunha iniciativa cidadá apoiada por PP e UPyD. IU pide en cambio que se prohiba que este espectáculo de maltrato animal reciba subvencións. Máis de 140 científicos de 18 países pídenlle ao Congreso que impida a entrada de menores e relacionan a tauromaquia coa violencia de xénero.
El Confidencial analiza a xestión do cinema francés dende as institucións e como foi quen posicionarse mellor ante a crise, forzando unha redución do seu IVE do 7% ao 5% o ano que vén.
A Fiscalía evitou que o xuíz Andreu decidira sobre a extradición dos policías franquistas, segundo destaca El Diario. Retivo 48 horas a orden de detención até que entrou de garda Pablo Ruz.
Un xuíz ordena devolver todos os cartos en preferentes a unha parella de Ribadavia que asinou a quita e que recuperou só o 40% dos seus aforros. O xuíz determina que NGB e aforradores "volvan a ter a mesma situación patrimonial que antes de celebrar o contrato nulo”.
O asasinato de Pavlos Fissas revelou a estreita relación entre a policía grega e o grupo neonazi Amencer Dourado. A investigación levou á dimisión de dous altos cargos policiais.
O ministro de Industria asegura que o meridiano de Greenwich pasa por Canarias. José Manuel Soria asegurouno ante a oposición do presidente canario a que todo o Estado adopte o fuso horario que actualmente ten o arquipélago. Esta proposta foi defendida para Galicia polo BNG nos documentos aprobados na súa asemblea nacional de 2006.