O PP manteríase como primeira forza do Congreso pero perdendo uns 80 escanos e quedando a tan só 10 de Podemos, que sería segunda forza nunhas xerais con apenas medio punto menos que os conservadores, segundo unha enquisa que hoxe publica El Periódico.
O BCE publica a correspondencia entre Zapatero e Trichet en 2011, cando o daquela presidente español reclamaba a compra de débeda soberana para baixar a prima de risco e a institución comunitaria, máis recortes.
A Xunta retiraralle financiamento aos municipios que se negan a pagar a suba do canon de Sogama. Recólleo La Voz
Ada Colau e Manuel Rivas dialogan este serán sobre confluencia municipal no acto organizado pola Marea Atlántica. Pódese seguir ao vivo nesta ligazón
Vence presenta o primeiro treito da candidatura do BNG en Lugo, que encabeza Rubén Arroxo, como "ilusión fronte aos espíritos desgastados que campan pola cidade". As municipais, afirma, serán un "punto de inflexión" no que a "cidadanía rebelde vai poñer freo ás políticas de recortes do PP".
A BBC realiza un documental sobre as condicións de traballo do persoal que fabrica produtos para Apple na China e que recolle materias primas para os mesmos en Indonesia. Recolle Íñigo Sáenz de Ugarte no seu blog, Guerra Eterna.
Consuelo Madrigal será proposta polo Goberno como nova fiscal xeral do Estado, en substitución de Eduardo Torres-Dulce. É a primeira muller que accede a este cargo en España
A Asociación Nós Mesmas, colectivo LGTB, pídelle á Consellaría de Sanidade que inclúa a reprodución asistida a lesbianas e bisexuais na carteira autonómica de servicios complementaria, da que quedaron excluídas o pasado 6 de novembro
Rafael Louzán presidirá a Federación Galega de Fútbol. O tamén presidente da Deputación Provincial de Pontevedra derrotou por 15 votos o anterior dirixente da federación, José García Liñares
Diagonal entrevista Esteban Hernández, autor do libro El fin de la clase media, que destaca que a cada vez menos numerosa clase media era "a devasa fronte ás tendencias fortes de cambio"