Vence presenta o primeiro treito da candidatura do BNG en Lugo, que encabeza Rubén Arroxo, como "ilusión fronte aos espíritos desgastados que campan pola cidade". As municipais, afirma, serán un "punto de inflexión" no que a "cidadanía rebelde vai poñer freo ás políticas de recortes do PP".
A BBC realiza un documental sobre as condicións de traballo do persoal que fabrica produtos para Apple na China e que recolle materias primas para os mesmos en Indonesia. Recolle Íñigo Sáenz de Ugarte no seu blog, Guerra Eterna.
Consuelo Madrigal será proposta polo Goberno como nova fiscal xeral do Estado, en substitución de Eduardo Torres-Dulce. É a primeira muller que accede a este cargo en España
A Asociación Nós Mesmas, colectivo LGTB, pídelle á Consellaría de Sanidade que inclúa a reprodución asistida a lesbianas e bisexuais na carteira autonómica de servicios complementaria, da que quedaron excluídas o pasado 6 de novembro
Rafael Louzán presidirá a Federación Galega de Fútbol. O tamén presidente da Deputación Provincial de Pontevedra derrotou por 15 votos o anterior dirixente da federación, José García Liñares
Diagonal entrevista Esteban Hernández, autor do libro El fin de la clase media, que destaca que a cada vez menos numerosa clase media era "a devasa fronte ás tendencias fortes de cambio"
Os 11 conselleiros da CRTVG manteñen soldos de ata 71.000 euros ao ano. A metade da remuneración corresponde a pagamentos por asistir e preparar as xuntanzas
Un empresario estrela o seu coche contra a sede do PP en Madrid con dúas bombonas de butano dentro. O presunto autor, que di ser un afectado pola crise, foi detido
Anova celebra arestora o seu acto sobre "confluencia municipal e quebra democrática" coa participación de Ada Colau e Xosé Manuel Beiras. Pódese seguir ao vivo nesta ligazón.
Unha nova manifestación contra o peche de Alcoa percorre as rúas da Coruña. A factoría está pendente da nova poxa que se realizará a partir da vindeira semana. Fotografía de @TraballadoAlcoa.
