Verdegaia fixa catro prioridades para o seu traballo en 2012: a modificación da Lei de Costas, a loita polos dereitos sociais, o Plano Director de Acuicultura e o proxecto de base de avións non tripulados que se pretende levar a cabo no concello ourensán de Trasmiras. Así mesmo, a asociación renovou a súa Comisión Coordinadora, con Diego R. Vieites, como coordinador, Miguel Pardellas como vicecoordinador e María Ogando, como secretaria xeral. As distintas reponsabilidades son xestionadas por Nacho Jorganes, Xián Nieto, Sabela Iglesias, Diego R. Vieites, Sabela García, Xosé Cadaveira e Tamara Roig.
Fálase
A arma utilizada nun tiroteo esta mañá en Toulouse foi usada noutros dous ataques, segundo as informacións que publican a esta hora os medios franceses. Ambas as dúas agresións previas tiveron unha motivación racista ou neonazi. Le Monde ten máis datos
Dous mozos foron expulsados dun mítin de Rick Santorum, candidato a liderar o Partido Republicano dos EUA, despois de darse un bico durante o acto. Santorum, un ultraconservador que asegura que non hai máis familia que a "tradicional", estaba falando dos "fogares de verdade" pouco antes de ser interrompido. A partir do minuto 3:30
Lanzan un blog, 29M Huelga General sin Miedo, para denunciar as empresas que se prevé que poden dificultar ou impedir o dereito dos traballadores á folga. Na base de datos, de construción colaborativa, figuran neste momento 26 empresas galegas.
Un colectivo de militantes nacionalistas do Val Miñor (dos concellos de Baiona, Gondomar, Nigrán e Oia) constitúen un grupo de base para a separación do BNG "en boa avinza" e a promoción dun "novo proxecto común". Así mesmo, lanzan un texto coas conclusións das súas conversas.
Este é o aspecto que amosa a evolución do índice de clima industrial de Galicia. Os datos foron recompilados polo servizo de estudos da Fundación Barrié. A táboa é de elaboración propia
O tribunal de Xustiza da UE dálle a razón a CCOO sobre o cobro de sexenios polo profesorado interino. Como explica a central, o tribunal europeo vén de ditar un Auto que "outorga a razón á demanda tramitada por CCOO, declarando a mesma retribución por formación (sexenios) para os docentes interinos que para os funcionarios de carreira". Neste enlace tedes máis información
Isabel Coixet rodará un documental sobre a catástrofe do Prestige, adianta o xornalista Gregorio Belinchón, o especialista en cinema de El País.
Evangélos Venizelos, que até o de agora era ministro de Finanzas de Grecia, abandona o seu cargo para liderar o partido Pasok. Venizelos adquiriu fama a nivel mundial por ser a persoa que executou as medidas de axuste reclamadas pola troika ao Executivo de Atenas. O Pasok está en terceiro lugar no ranking de estimación de voto para os comicios xerais helenos. Nova
O investimento na Fundación Vasca para a Ciencia, Ikerbasque, dá os seus froitos: captou máis de 40 millóns de euros de programas europeos para investigación, abriu seis centros de investigación de excelencia (e abrirá tres máis este ano) e só entre xaneiro e febreiro máis de 500 científicos solicitaron incorporarse ao proxecto.