O Tribunal Superior Electoral de Brasil veta a candidatura de Lula da Silva para as eleccións de outubro. O PT anuncia que apelará a decisión e que manterá a candidatura do ex-presidente, que lidera as sondaxes cunha intención de voto que rolda o 40% fronte ao 20% do ultradereitista Bolsonaro.
Luís Emilio Batallán, trasladado ao hospital logo de catro días en folga de fame.
A Comisión Europea decide eliminar o cambio horario na UE. Anunciouno o presidente Juncker logo de que a maioría dos europeos que participaron na consulta aberta pola Unión optaron por suprimir a mudanza.
A familia Franco ameaza a Pedro Sánchez cun burofax no que anuncia accións penais por prevaricación e profanación de sepultura. A comunicación asinouna o neto do ditador José Cristóbal Martínez-Bordiú Franco como vicepresidente da Fundación Franco a véspera da aprobación do decreto para a exhumación do Val dos Caídos, revela eldiario.es.
A superficie arrasada polo lume no incendio de Vilaza (Monterrei) supera xa as 100 hectáreas, despois de ter comezado nas proximidades da A-52. Durante as tarefas de extinción un axente medioambiental resultou ferido leve con queimaduras.
Activo un incendio no concello ourensán de Monterrei, parroquia de Vilaza, que segundo as primeiras estimacións supera as 50 hectáreas
Unha iniciativa da Casa Grande de Xanceda levou ao centro da Coruña o primeiro "paso de vaca" do mundo co obxectivo de concienciar sobre a importancia en Galicia deste animal e do mundo rural
Martiño Noriega avanza que anunciará na “última semana de setembro” se aspira novamente á alcaldía de Santiago nas municipais do próximo mes de maio. O rexedor di que nas próximas semanas debaterá a cuestión co seu equipo de goberno e coa coordinadora de Compostela Aberta. O pasado marzo unha enquisa encargada pola propia formación augurou que volvería ser a forza máis votada.
O 90% dos veciños e veciñas do concello zamorano de Porto de Sanabria aposta por desligarse de Castela-León e, nese caso, incorporarse a Galicia. 232 persoas participaron nunha consulta, convocada en protesta pola falta de investimentos e o "esquecemento" ao que se ven sometidos.
Así colonizan as principais cidades e zonas turísticas españolas os grandes propietarios de vivendas de Airbnb. Un terzo dos apartamentos turísticos ofertados a través desta plataforma están en mans de promotores que contan con máis de cinco inmobles. Os pisos turísticos en Compostela (ao redor de mil, a metade na zona vella) acadan unha concentración semellante aos centros de Madrid ou Barcelona.
