O alcalde de Ferrol di entender as protestas dos traballadores do naval. José Manuel Rey Varela comprométese a pedir ao Goberno e á SEPI unha solución ante a falta de carga de traballo nos estaleiros da ría ferrolá.
Fálase
O FMI non ten pensado ningún tipo de axuda financeira para España nin recibiu solicitude ningunha do Goberno, segundo asegura a institución tras a viaxe a Washington da vicepresidenta, Soraya Sáenz de Santamaría.
Alemaña instalou nos últimos dous anos vinte veces máis placas fotovoltaicas de produción de enerxía eléctrica que España.
Os alumnos e alumnas do Conservatorio de Cangas (e os seus pais e nais) convocan unha concentración este venres diante do Concello, para protestar contra a suba das taxas dun 300% ordenada polo goberno municipal. Será ás nove e media da noite.
O Valedor do Pobo en funcións abre unha queixa de oficio sobre o uso dos computadores do Plan Abalar. "Algúns pais veñen denunciando ante a defensoría notables ausencias de control rexistradas nalgúns centros nos que os rapaces empregan os ordenadores para navegar por redes sociais e acceder a contidos alleos á actividade docente", informa a oficina do alto comisionado.
O Congreso aproba a Lei de Reestruturación Financeira con 178 votos a favor, 28 en contra e 123 abstencións. O PSOE abstívose finalmente
China e Rusia opóñense unha vez máis a unha intervención militar en Siria. Hillary Clinton advirte a Moscú que esa decisión encamiña o país a unha guerra civil.
A policía carga contra os mineiros que protestan fronte ao Ministerio de Industria
#consellodaxunta Feijóo acusa de novo o PSdeG de "coar mentiras", porque "son gratis", e volve rexeitar que a Xunta deixase "facturas no caixón" en 2011. Para responderlle a Pachi Vázquez remítese "ao refraneiro español" para dicirlle que "piensa el ladrón que todos son de su condición".
#consellodaxunta. A Xunta aproba o calendario laboral, "acorde coa situación económica" e "cos principais días festivos asentados na nosa tradición". Mantéñense como festivos o Xoves Santo, o Día das Letras (venres) e o Día Nacional de Galicia. O día de San Xoán (24 de xuño) tamén será festivo, cadra en luns.