Centos de milleiros de persoas manifestáronse onte en Francia en contra da reforma laboral do Goberno de Hollande. Hai 120 persoas detidas. É a sétima mobilización en dous meses e medio. O debate parlamentario sobre a norma comeza a semana que vén.
Fálase
-
As oito comunidades gobernadas polo PSOE, ademais de Cataluña, votan contra os obxectivos de déficit fixados por Montoro para 2017, 2018 e 2019. O rexeitamento non ten consecuencias prácticas.
Madrid acolleu unha representación da obra La Bruja y Don Cristóbal, que hai uns meses levou a dous titiriteiros a pasar cinco días en prisión. O acto, que buscaba denunciar a lei mordaza, foi organizado por Teatro del Barrio, Público e CTXT, e nel amosouse de novo a faixa de "Gora Alka ETA"
Ataque Escampe denuncia que a TVG "censurou" unha das súas cancións no programa Musigalité. Eliminou un verso dun dos seus temas onde se facía alusión aos "paraísos fiscais" e ao PP, segundo denuncian na súa páxina de Facebook.
PP e PSOE votan en contra da comisión de investigación de Angrois no último pleno da investidura. Máis información, esta mañá en Praza.
O Tribunal Supremo anula o proxecto de construción da planta de Reganosa (Mugardos). A sentenza, firme, únese á que hai un mes anulou a autorización previa e obriga a empresa a solicitarlle ao Goberno en funcións que lle conceda novos permisos para seguir en funcionamento.
#EPA O paro sobe en Galicia en 5.200 persoas no primeiro trimestre do ano e baixa en 47.800 a respecto de hai un ano. Toda a información, hoxe en Praza.
Democracia Ourensana denuncia que Baltar repartiu en 2015 dous millóns en obras a cinco empresas ligadas ao PP, entre elas Promociones Cruzval -que ten entre os seus accionistas a un curmán do ex delegado da Xunta, Rogelio Martínez-, e Coviastec -a construtora do ex alcalde de Maside-. Estas cinco compañías, grazas a pequenas adxudicacións, sumarían o 75% dos contratos de obras da Deputación.
A Audiencia de Ourense denega o arquivo da causa na que Baltar é investigado polo presunto ofrecemento a cambio de sexo. Recólleo Faro de Vigo.
A reválida de Bacharelato substituirá a selectividade, será obrigatoria para graduarse e servirá como proba de acceso ás universidades de toda España. O ministro de Educación, Íñigo Méndez de Vigo, destacou que o exame será "moi semellante" á actual selectividade e terá o mesmo peso na nota de acceso (o 60%)