Toxo e Méndez prevén unha participación masiva na folga xeral. Os secretario xerais de UGT e CCOO, respectivamente, sinalan que, no entanto, o éxito do paro dependerá da influencia que teña no Goberno de Mariano Rajoy.
Fálase
O Goberno galego aprobará un novo proxecto de emprego o mesmo día da folga na súa reunión semanal. O Plan estará dotado con 30 millóns de euros e propón beneficiar a 44.000 galegos en paro e priorizar os concellos do país con máis desempregados. A oposición ve no anuncio "outro titular para chamar a atención".
Feijóo anuncia un plan de fomento do emprego para conseguir 44.000 postos de traballo ao que a Xunta destinará 30 millóns de euros. O PSdeG responde que a contía dese plan supón 680 euros por traballador e ano e pídelle que "deixe de enganar a xente".
Feijóo insiste en botar a culpa do paro en Galicia á herdanza do Goberno de Zapatero. Ante as críticas da oposición, o presidente da Xunta presume no pleno da "solvencia" da comunidade e dille ao PSdeG que "non merece respecto" por apoiar a folga xeral.
O ministro de Industria advirte que o camiño das reformas é "irreversible" pase o que pase coa folga. José Manuel Soria manifestou que, sexa o que for o resultado do paro, as reformas son a única maneira de sentar as bases "dunha recuperación sostida".
A Audiencia Nacional procesa por delictos de "pertenza a organización terrorista, tenencia e transporte de explosivos e falsidade documental" seis presuntos membros de Resistencia Galega: Eduardo Vigo Domínguez, Roberto Rodríguez Fiallega, María Osorio López, Antón García Matos, Antón Santos Pérez e María Asunción Losada Camba. O xuíz Velasco considera estes dous últimos dirixentes do grupo e ordena a súa "busca e captura". O xuíz retíralles a imputación a Jessica Rodríguez e Catalina Alonso Rodríguez.
España recada un 2,7% menos de IRPF, un 9,8% menos de IVE e un 7% menos por carburantes que hai un ano. Máis información en 20Minutos.
China rexistrou en febreiro un saldo comercial negativo, isto é: importou máis do que exportou. Os expertos debaten se se trata dun feito conxuntural ou de se revela un cambio de ciclo na economía chinesa, que podería levar a China a devaluar o yuan.
”O Teatro Principal é dos cidadáns ou do Partido Popular?”. Dioivo fala con Leo Bassi
O deputado do BNG Bieito Lobeira amosa un xurelo dende a tribuna do Parlamento para exemplificar o "esperpento" que, di, supón a obrigatoriedade de ter que devolver certas especies ao mar unha vez pescadas por imperativo da Unión Europea. Tras a súa intervención, deixouno no escano do presidente da Xunta ata que unha traballadora da Cámara o retirou.