A Xunta di agardar por unha resposta “positiva” do Ministerio de Exteriores á Estratexia Galega de Acción Exterior (Egaex), que lle remitiu en decembro tras dous anos en elaboración. Praza.gal e o Instituto Galego de Análise e Documentación Internacional (Igadi) entrevistaron durante o debate do documento aos responsables da Xunta e dos tres grupos da oposición, pezas que se poden ler nesta sección.
Antonio Arias di que abandona a CEG para que unha "catarse" acabe coa "pelexa constante" na entidade. É a terceira dimisión dun presidente en menos de tres anos, tralas de José Manuel Fernández Alvariño en novembro de 2015 e Antonio Dieter Moure en outubro de 2016.
O Consello de Estado responde ao Goberno de España que non existe fundamento en Dereito para impugnar a investidura de Puigdemont. O Executivo de Rajoy solicitara ao organismo que preside José Manuel Romay Beccaría o informe preceptivo antes de formular o recurso ante o Tribunal Constitucional.
O presidente do Parlamento catalán convoca para o vindeiro martes o pleno de investidura con Puigdemont como candidato. Está a contalo eldiario.es
Tres temores de terra afectaron a Galicia nas últimas 24 horas. Producíronse en Serra de Outes, Navia de Suarna e Burela -este último con epicentro no mar- e todos eles estiveron por baixo dos 3 graos na escala Richter. A súa intensidade foi, concretamente, de 2,3, 2,6 e 2,4, respectivamente, segundo rexistrou o IGN.
The Guardian dedicoulle unha completa reportaxe fotográfica, con imaxes de Miguel Riopa, ao Domingo Fareleiro de Xinzo da Limia (Galicia’s Floury Sunday), que tivo lugar a pasada fin de semana.
A xuíza Pilar de Lara dá por rematada a instrución da causa derivada da Operación Pokémon que se centrou na Confederación do Miño-Sil e o seu ex-presidente socialista Francisco Fernández Liñares por manipular ofertas e beneficiarse de regalos. A maxistrada pide ás partes que presenten as súas propostas para a apertura do xuízo oral.
Trinta lumes, da directora galega Diana Toucedo, será proxectada na Berlinale dentro da sección Panorama. A realizadora falou devagar sobre o filme e o seu traballo cinematográfico nesta entrevista con Montse Dopico en Praza.gal.
“A discriminación salarial por sexo está prohibida”, di Feijóo preguntado pola negativa de Rajoy a intervir nas empresas que pagan menos ás mulleres que os homes, pero engade que “aínda hai desigualdade” e “queda moito traballo”. “O presidente sábeo”, sentenza, e atribúe as súas verbas a un erro ao expresarse na entrevista radiofónica na que o dixo.
A Xunta dará permiso inmediato para cortar eucaliptos e piñeiros e o seu silencio administrativo será positivo se tarda máis de 60 días en pronunciarse sobre o resto de especies ou traballos en terreos protexidos. Feijóo anuncia o inicio da tramitación dun decreto para facilitar as cortas a través dunha “xanela única”.
