Madrid leva gastados 247 millóns en produtos financeiros tóxicos -seguros para cubrir riscos de crédito- contratados por Gallardón, segundo revela El Diario.
Fálase
Os grupos parlamentarios presentaron cadansúas 40 propostas de resolución para o debate de política xeral, que continúa este venres. Pódelas descargar nas seguintes ligazóns:
Gaña peso a posibilidade dun goberno de esquerda en Portugal. As negociacións entre PS, PCP e Bloco continúan, centrándose xa nas liñas que deberan guiar os vindeiros Orzamentos do Estado. Está a contalo o xornal Público.
Un informe da Rede Europea de Loita contra a Pobreza (EAPN) revela que un 29,2% da poboación española está en risco de pobreza e exclusión social. En Galicia a proporción é máis reducida (23,8%). O documento alerta de que a taxa de pobreza entre os 16 e 29 anos supera o 36% e de que nos últimos anos se produciu un empobrecemento xeral da poboación
A xuíza arquiva o caso das mortes de Ceuta e carga a responsabilidade nos inmigrantes. O xulgado exculpa os 16 gardas civís imputados pola morte de 15 persoas tras ser repelidas na fronteira.
O TSXG tomba o nomeamento dunha xefa de licenzas do Concello de Santiago na etapa do exalcalde Agustín Hernández. O tribunal advirte "desviación de poder" na decisión do antigo goberno do PP. Vén de adiantalo a Cadena SER.
Emigrantes retornados e ex mariñeiros en Noruega manifestáronse esta mañá en Compostela reclamando o seu dereito a pensións dignas. Ambos os dous colectivos decláranse "estafados" por España e polo país nórdico. Foto: Iniciativa pola Unión.
O centro infantil que prohibiu o uso do galego a unha traballadora acúsaa de "falsedad" nun comunicado no que subliña que o seu carácter "privado". A empresa Jungle World di estar a sufrir "persecución sindical" e destaca que "permite incluso" a "utilización" do galego "en ciertas actuaciones de las funciones de fin de curso de los niños". Comunicado íntegro na súa páxina de Facebook.
O PP aprobará unha resolución pola "unidade de España" no debate de política xeral do Parlamento galego. Os conservadores sacarán adiante unha proposta para "defender o autogoberno de Galicia" no "marco constitucional".
Artur Mas acode a declarar polo 9N apoiado por 400 alcaldes soberanistas e 2.500 persoas. A súa declaración coincide co 75º aniversario do fusilamento de Lluís Companys.
