28A | O BNG denuncia novas pintadas ameazantes contra Carme da Silva, cabeza de lista ao Congreso por Pontevedra e edil no goberno pontevedrés. "A compañeira e candidata ao Congreso outra vez na diana da mafia. Que lles quede claro que non daremos un paso atrás na defensa de Galiza e dos nosos ideais", afirma a formación nacionalista. Unha pintada semellante contra Da Silva xa aparecera o pasado marzo.
O PP de Lugo esixe a retirada dun mural con versos de Manuel María sobre os mártires de Carral elaborado polo centro social Mádia Leva. Segundo os conservadores, o Concello debe retiralo por conter motivos "independentistas" e "afíns ao BNG". O Concello aclara que o mural, elaborado nun espazo de propiedade municipal, conta con todos os permisos e encádrao no dereito á liberdade de expresión. (Imaxe: C.S. Mádia Leva)
28A | A TVG acolle dende as 10 da mañá o único debate electoral televisado para toda Galicia previo ás eleccións xerais. Participan representantes de PP, PSdeG, En Común-Unidas Podemos, En Marea e BNG. Pódese recuperar a gravación na súa web. (Imaxe: CRTVG)
28A | Facebook borra decenas de anuncios electorais de PSOE e Ciudadanos por non rexistrárense a tempo na ferramenta de transparencia desta rede social.
Devastador incendio na catedral de Notre Dame de París. As lapas e o fume negro son visibles desde diferentes puntos. O lume arrasou gran parte das cubertas do templo parisiense, que agardaba dende hai anos por unha restauración que estaba a ser parcialmente executada. Nesta ligazón, sinal da canle France 24 ao vivo e nestoutra, información en directo de Le Monde
A Universidade da Coruña convoca, en colaboración co Círculo Escéptico, a I edición dos Premios Isabel Zendal co obxectivo de promover o pensamento crítico e a cultura científica. Poderán participar todos os alumnos e alumnas entre 1º de ESO e 2º de Bacharelato
28A | O Carballiño, Culleredo, O Porriño, Monforte, Carballo e Pontevedra acollen este luns algúns dos principais actos electorais da xornada en Galicia. Estas son as horas e lugares previstos polas forzas políticas.
O fiscal de Medio Ambiente de Galicia resalta que en torno ao 80% dos incendios son intencionados, pero apenas "o 3% ou 4% teñen intención de facer mal", sinala Álvaro García Ortiz na Cadena SER a partir dos datos que manexa a Fiscalía.
Este domingo celébrase o 72ª aniversario da primeira emisión do Galician Programme da BBC (en 1947), o primeiro programa estable de radio en lingua galega. Plácido Castro foi o autor de 12 guións e fixo de locutor en varias ocasións
Un milleiro de persoas pediron este sábado en Lira (Carnota) o indulto para o expresidente dos percebeiros da localidade, Manuel Martínez Lustres. Debe ingresar en prisión por un suceso que tivo en lugar en 2013 cando, denuncia, tivo que defenderse do ataque duns percebeiros furtivos
