Praza Pública celebra este serán o seu cuarto aniversario cunha festa en Compostela coa comunidade que apoia o xornal
Fálase
-
A UDEF detivo esta mañá o secretario xeral de Manos Limpias, Miguel Bernard, acusado dun presunto delito de extorsión, organización criminal, fraude contra a facenda pública, falsidade documental e fraude en subvencións. Ao longo do día a policía deterá outros integrantes da organización, da que ten "constancia" de que incorreu en prácticas de extorsión ao presentar querelas contra persoas, empresas e institucións para logo cobrar por retirar as accións xurídicas emprendidas.
José Manuel Soria dimite pola súa implicación nos papeis de Panamá. Nas últimas horas os medios xa anticipaban que o PP deixaría caer o responsable de Industria, ante a acumulación de falsidades. Xa se anunciara que este venres non acudiría ao Consello de Ministros
O Parlamento europeo aprobou este xoves -cos votos a favor de PP, PSOE e Ciudadanos- a directiva Trade Secrets, que protexerá as empresas ante as filtracións publicadas en medios de comunicación e permitirá demandar a xornalistas ou a calquera persoa que revele información secreta
Este venres celébrase en Madrid o Consello de Política Fiscal e Financeira, no que o ministro Montoro lles pedirá máis axustes ás comunidades autónomas, que esixirán un novo sistema de financiamento. Galicia pedirá compensacións por ter cumprido co límite de déficit en 2015.
O Tribunal Europeo de Xustiza rexeita por segunda vez o recurso de Holanda contra o novo "tax lease". Con este sistema xa se contrataron 27 buques por valor de 925 millóns
Máis de 85 mil persoas votaron na primeira xornada da consulta convocada por Podemos entre os seus inscritos e inscritas sobre a investidura. O proceso chegará ata o sábado pola noite e achégase xa aos 95 mil que participaron na consulta realizada polo PSOE en febreiro ou aos 107 mil que o fixeron na primeira votación online convocada por Podemos en 2014.
O Ministerio de Emprego gasta só o 15% do orzamento da axuda para parados de longa duración. 100.000 persoas cobraron esta prestación de 426 euros, a pesar de que o obxectivo era chegar a uns 450.000 desempregados.
Moncloa prepara a caída do ministro Soria. informa El Diario. A dimisión podería producirse "en cuestión de horas". Este venres non irá ao Consello de Ministros.
O lehendakari Urkullu recibe este venres a Feijóo en Vitoria. Oficialmente, ambos presidentes abordarán cuestións de "interese compartido", se ben sobre a xuntanza paira a posibilidade dun adianto electoral. As eleccións galegas e vascas celebráronse o mesmo día en 2012 e 2009.
