O Ministerio de Defensa frea a desclasificación de 10.000 documentos gobernamentais e militares do franquismo que dispuxera o departamento con Carme Chacón á súa fronte. O gabinete de Rajoy coida que podería afectar as relacións diplomáticas do Estado e os historiadores ven "escurantismo". Na Cadena SER.
O déficit do Estado sobe un 51,4% até abril e xa suma 25.462 millóns, o 2,4% do PIB.
Un directivo de Bankia ten dereito a unha indemnización de 14 millóns de euros. Desvélao El País.
Feijóo defende o galego "porque sabéndoo pódeste comunicar con máis de 200 millóns de persoas no ámbito da lusofonía". O presidente da Xunta respondeu así ás críticas de dúas xornalistas de Intereconomía, que censuraban que houbese materias unicamente en galego nos colexios do país.
A economía española continuará en recesión no segundo trimestre do ano, segundo o último boletín publicado polo Banco de España.
A Xunta amplía a axenda do presidente para hoxe. Este mediodía recibirá os planteis do Club Deportivo Ourense e do Club Ourense Baloncesto polos seus respectivos ascensos á 2ºB de fútbol e á LEB Ouro.
Lista completa (e moi longa) de todos os que non pagan o IBI. En La Información.
A prima de risco continúa en máximos históricos, ao alcanzar os 511 puntos. A súa evolución pódese seguir aquí.
O ministro de Exteriores vincula a desconfianza en España cos asubíos ao himno, que cre que "debilitan a identidade nacional" e "prexudican non só os intereses da nación, senón de todos os españois". García Margallo cre que os mercados tamén teñen en conta estes xestos.
O Goberno aprobará esta semana hispanobonos con aval do Estado para financiar as comunidades autónomas. O Tesouro xa os tería presentado aos bancos colocadores, segundo VozPopuli.