O xuíz deixa a Alfon en liberdade. A irmá do mozo detido durante a folga do 14N confirma que sairá esta tarde da cadea, logo de mes e medio illado.
Fálase
Un McDonalds ocupará o espazo da histórica libraría Catalònia de Barcelona. Vilaweb analiza a situación na que se atopan as librarías tradicionais en Catalunya, que este xoves se reunirán co conseller de Economía.
O único que queda é o amor, de Agustín Fernández Paz, traducido ao coreano
O DOG publica hoxe a prórroga dos orzamentos da Universidade de Santiago
Paul Krugman únese aos que propoñen que o Goberno de EE UU emita unha moeda dun billón de dólares para sortear o teito da débeda: "a outra alternativa é igualmente estúpida e pode ser desastrosa”, di.
CCOO esixe modificar a lei de Estabilidade Orzamentaria e a supresión do teito de gasto. O sindicato sinala que a taxa de paro do 21% que estima a Xunta que se alcanzará este ano 2013 en Galicia se verá "superada con creces".
Poio e Bueu fan efectiva a súa rebeldía institucional contra o decreto do Gobieno estatal que suprimía a paga extra de Nadal aos funcionarios. Na próxima nómina, os traballadores municipais de Poio cobrarán un complemento ao seu salario habitual. Bueu rematará o pago fraccionado en tres nóminas que comezou en novembro
O Banco de España reforma o seu modelo de supervisión para evitar erros pasados. Fará dous informes anuais dos maiores bancos e acelerará os labores de inspección, segundo conta Cinco Días.
Hugo Chávez non asistirá á toma de posesión prevista para este xoves na Asamblea Nacional e pediu o adiamento do xuramento, que se realizará no Tribunal Supremo de Xustiza.
O secretario xeral do PSdeG, Pachi Vázquez, negou este martes que pida continuar á fronte do partido un ano máis e asegurou que entre finais de xaneiro e mediados de febreiro saberase o calendario para renovar á dirección socialista galega