Fálase

CCOO e UGT convocan mobilizacións contra a reforma laboral baixo o lema Noite e día contra a reforma. As concentracións comezan ás 22 horas do mércores 23 e continúan no mediodía do día seguinte. Os lugares son os seguintes: 

A Coruña: Delegación do Goberno 
Ferrol: Praza de España, edificio da Xunta.
Lugo: Subdelegación do Goberno.
Ourense: Subdelegación do Goberno.
Pontevedra: Subdelegación do Goberno.
Vigo: Concepción Arenal, Edificio da Xunta.
Viveiro: Casa do Mar (Celeiro), só o día 24 ao mediodía

Rajoy dá prioridade á estabilidade financeira e pide aos dirixentes europeos que defendan o euro "con nitidez e claridade", durante a súa participación no cumio da ONU. O presidente do Goberno critica a Rubalcaba por "falta de coherencia" e recoñece que non creará unha comisión de investigación para Bankia. 

José Manuel Soria avisa que "nalgún momento" terá que subir o recibo da luz para rematar co burato eléctrico. O ministro de Industria non aclarou cando prevé aplicar esta suba. 

O Ministerio de Sanidade reutilizará a campaña contra a violencia machista que impulsou o Goberno socialista e que o gabinete de Rajoy criticou con dureza. Na Cadena SER.

A Executiva do PNV nomea ao seu presidente, Íñigo Urkullu, candidato a lehendakari. En La Información. 

A Xunta crtica os investimentos "sen planificación" nos aeroportos galegos e apela a coordinar a súau oferta de voos para evitar unha competencia entre eles que beneficie a Porto. 

Fútbol. A penúltima xornada de Segunda División xogarase o vindeiro domingo ás 20 horas. O Deportivo enfróntase en Riazor ao Huesca e o Celta xoga en Tarragona ante o Nàstic. 

CCOO e UGT advirten de que manterán "unha mobilización sostida" logo de aprobarse a reforma laboral e tras anunciar as concentracións que terán lugar en toda España entre a noite do 23 e o mediodía do 24. 

Google Chrome supera a Internet Explorer por primeira vez na historia e convértese no navegador máis usado do mundo

As entidades bancarias adxudícanse vivendas en situacións de impago hipotecario a un 50% do seu valor, por mor dunha trampa legal