O senador socialista coruñés Javier Losada amosa en Twitter a manifestación que a esta hora se están a producir diante do edificio da Cámara Alta a prol da minaría asturiana e leonesa. A marcha prodúcese mentres continúan as protestas nas comarcas afectadas polos recortes das axudas ao carbón.
As mulleres dos mineiros que protestan nas concas de toda España están xa ás portas do Senado. Imaxe de @comisionestelemadrid
Almunia non descarta un cambio lexislativo para que se poida recapitalizar a banca directamente, como pide Rajoy. No entanto, lebmra que a Comisión terá "o control directo" do rescate de Bankia.
Feijóo asinará mañá o "protocolo de colaboración entre a Xunta de Galicia e as deputacións provinciais galegas". O encontro entre o xefe do Goberno galego e os titulares das deputacións prodúcese un ano despois de ser anunciado.
Ahmed Shafiq, o candidato pro Mubarak, asegura ser o gañador das eleccións presidenciais exipcias co 51% dos votos, segundo Al Arabiya. Os islamitas tamén din ser os gañadores. Até o xoves non haberá resultados oficiais
O xuízo do Prestige comezará finalmente o 16 de outubro e está previsto que se prolongue até finais de maio de 2013.
Os Ecogaleguistas lembran o sétimo aniversario do triunfo de PSdeG e BNG nas eleccións de 2005 e afirman que "o tripartito conformado por PSdeG-BNG-CIDADANÍA naufragou no momento que se converteu nun bipartito conformado exclusivamente por PSdeG-BNG"
Os traballadores e traballadoras de SEAGA maniféstanse este mércores ás once da mañá en Compostela. CIG-Servizos denuncia que a Xunta intenta evitar a contratación –directa ou indirecta- de persoal con experiencia para non recoñecer a súa condición de fixo descontinuo
O PP rexeita universalizar a axuda a parados maiores de 45 anos que esgotaron a súa prestación. Os populares empregan a súa maioría absoluta para tombar a proposta de UPyD.
O Twitter do PPdeG avanza que a mexicana Pemex construirá dous buques en Navantia Ferrol.