A Federación de Asociación de Veciños Teucro de Pontevedra entrega o seu premio anual ao labor cidadán ao movemento 15M da cidade “polo soño que nos trouxeron de que o cambio do mundo é posible” e por “espertar conciencias nunha cidade adormecida que carece de cauces de participación cidadá”. O premio entregarase o 24 de maio no Teatro Principal da cidade.
Fálase
A Mesa alerta de que o Concello de Santiago "tenta impedir a manifestación" convocada por Queremos Galego para o Día das Letras
Caride (PSdeG) di que o Valedor lle axudou a Feijóo "a preparar as oposicións". Socialistas e Bloque volven esixir que Benigno López marche. Puy (PP) rexeita que "unha relación de instrución de 2 meses hai 30 anos" implique "amizade" do Valedor con Feijóo. Nuns minutos, a información en Praza.
Nova tesoirada en Catalunya. O presidente da Generalitat, Artur Mas, anuncia a suba de taxas na Universidade, a privatización das autopistas e da xestión da auga e a fin das subvencións.
Vén de crearse en change.org unha petición para que a Dirección Xeral de Patrimonio da Xunta declare BIC o Convento de Herbón
François Hollande xa é presidente de Francia. Tras o traspaso de poderes, Nicolas Sarkozy entregoulle os códigos de activación do armamento nuclear. O Elíseo ofrece na súa web a retransmisión en directo de toda a cerimonia.
O Senado aborda de novo a súa reforma. Onte constituíuse a comisión encargada que, a priori, debera rematar os traballos a finais de ano, dándolle á Cámara Alta a dimensión territorial que lle outorga a Constitución.
O peche da Plataforma Galega en Defensa do Ensino Público rematou esta mañá no IES Rosalía de Castro, en Santiago. Ás 4 da tarde inician outro, no IES Concepción Arenal de Ferrol.
A Generalitat de Catalunya continúa cos recortes. Artur Mas explica esta mañá un novo axuste de 1.500 millóns. En Vilaweb.
Alemaña crece catro décimas máis do esperado e segue a ser o motor do euro. O PIB do Estado xermano medrou un 0,5% no primeiro trimestre de 2012, fronte ao 0,1% que se prevía.