A Fiscalía acusa de terrorismo a catro membros de Resistencia Galega. Presenta por primeira vez un escrito de acusación e pide entre 12 e 20 anos para eles.
Fálase
Convocan unha manifestación no barrio compostelán de San Lázaro "a favor" de Ángel Espadas, o ex xefe de gabinete de Conde Roa e antigo concelleiro do PP que permanece encarcerado no marco da operación Manga, derivada da Pokémon. Está convocada por "familiares, amigos e simpatizantes" que coidan que Espadas "non merece" seguir na cadea.
A Universidade de Vigo volveu convocar, despois da suspensión deste xoves, o Consello de Goberno, que comezará ás 9.30 horas. Para esa hora está convocada unha concentración de profesorado asociado, PDI, PAS e estudantado ante a Reitoría.
Stop Desafiuzamentos Ferrolterra demanda que o Concello de Ferrol lle facilite unha vivenda de aluguer social a Verónica, unha rapaza casada e cunha filla menor de idade, que nuns días quedarán sen casa. Este xoves concentráronse ante o Concello.
O Goberno cambiou a lei para facilitar a venda de tanques que negociaba Corinna. O Goberno aprobou en 2012 un decreto lei para adaptarse ás esixencias do réxime saudí. A amiga do rei era a intermediaria na meirande operación comercial española de venda de armamento
Unhas 4.000 persoas protestaron este xoves en Pontevedra baixo choiva contra os recortes na sanidade.
A banca achegará diñeiro extra para darlle liquidez aos afectados polas preferentes de Novagalicia e Catalunya Banc. Cóntao Europa Press.
O xornalista Borja Terán pregúntase "por que" a web de RTVE está "preparando un especial titulado Abdicación del Rey Juan Carlos?
Vozpopuli analiza o "silencio" que ao seu xuizo mantén La Voz de Galicia sobre a crise de Pescanova e interpreta que ten relación con que o seu presidente, Manuel Fernández de Sousa, é membro do patronato da Fundación Santiago Rey Fernández-Latorre.
Escocia celebrará o seu referendo de autodeterminación o 18 de setembro de 2014. A data vén de ser anunciada polo primeiro ministro escocés Alex Salmond.